«Elemient hulni suprać Šajhu». Što havorać palitołahi pra aryšt namieśnika ministra abarony Rasii
Siarhiej Šajhu ŭ apošnija paŭhoda-hod adnaviŭ svaje pazicyi ŭ vačach Pucina i prykmietna ź im zbliziŭsia.
Palitołah Michaił Vinahradaŭ ubačyŭ u spravie namieśnika Šajhu «padkreślenaje žadańnie zrabić karcinku» z akcentam na aryšt «imiannaha vajennaha, a nie karupcyjaniera», piša Bi-bi-si.
Jon nahadaŭ paviedamleńni ŚMI ab piaci hadach «raspracoŭki» namieśnika ministra i zadajecca pytańniem:
«A navošta spatrebiłasia raptoŭna zakančvać takuju praciahłuju apieracyju — jašče stolki ŭsiaho možna było rasśledavać?»
U toj ža čas palitołah Taćciana Stanavaja źviartaje ŭvahu na toje, što z zatrymańnia Ivanova «nie stali rabić maski-šou» — «hramić blizkaha da Šajhu čałavieka publična nie stali».
«Ale elemient hulni suprać Šajhu tut, viadoma, jość», — ličyć jana.
«Šajhu ŭ apošnija paŭhoda-hod adnaviŭ svaje pazicyi ŭ vačach Pucina i prykmietna ź im zbliziŭsia, dastatkova paśpiachova kirujučy patokam infarmacyi, jakaja pastupaje prezidentu ab vajennych spravach», — piša Stanavaja ŭ svaim telehram-kanale.
7 maja adbudziecca inaŭhuracyja Pucina, jaki idzie na piaty prezidencki termin. Paśla hetaha ŭ Rasii pavinien być sfarmiravany novy ŭrad.
U Rasii za chabar zatrymali namieśnika ministra abarony
Aryštavany rasijski namieśnik ministra abarony vałodaje dvaranskaj siadzibaj u Maskvie. Čym jana admietnaja?
«Za karupcyju jaho b nichto zatrymlivać nie staŭ». Namieśnika ministra abarony RF mohuć abvinavacić u dziaržzdradzie
Kamanda Navalnaha pachvaliłasia, što paspryjała aryštu namieśnika Šajhu. Uspychnuŭ skandał
Kamientary