«Za karupcyju jaho b nichto zatrymlivać nie staŭ». Namieśnika ministra abarony RF mohuć abvinavacić u dziaržzdradzie
Namieśnika ministra abarony RF Cimura Ivanova padazrajuć u dziaržzdradzie, pišuć «Važnyja historyi» sa spasyłkaju na svaje krynicy.
Dźvie nie źviazanyja adna z adnoj krynicy «Važnych historyj», blizkich da FSB, raspaviali, što sapraŭdnaja pryčyna aryštu namieśnika ministra abarony Cimura Ivanova — dziaržzdrada.
«Chabar — heta dla publiki. Pakul havaryć publična pra dziaržzdradu nie chočuć — skandał vialiki: usio ž taki namieśnik ministra abarony», — havoryć adna z našych krynic.
«Za karupcyju jaho b nichto zatrymlivać nie staŭ. Pra heta tam [u Kramli] daŭno ŭsie viedali. Pucin daŭ kamandu paśla taho, jak udałosia pierakanać, što havorka idzie mienavita pra dziaržzdradu», — kaža inšaja krynica.
Pravaachoŭnyja orhany Rasiei vałodajuć kampramietujučymi materyjałami na Ivanova ŭžo šmat hadoŭ. Pra heta jašče ŭ 2017 hodzie hałoŭnamu redaktaru «Važnych historyj» Ramanu Aninu raspaviadaŭ śledčy SK RF. Pavodle jaho słoŭ, sabranyja SK materyjały tyčylisia dziejnaści Ivanova ŭ jakaści kiraŭnika «Oboronstroja». Adnak realizavać hetyja materyjały tady nie dazvoliła kiraŭnictva Rasii: za Ivanova zastupiŭsia Šajhu.
«Jon asabista telefanavaŭ Jurjevu [kiraŭniku Departamienta vajskovaj kontrvyviedki FSB] i matam kryŭ za toje, što FSB pracuje pa jaho blizkich», — raspaviadaŭ śledčy SK.
«Ciapier vyrašajuć, što ź im rabić: albo buduć sadžać pa chabary i «dabivać» na zonie, albo pierakvalifikavać abvinavačvańnie na dziaržzdradu», — pišuć «Važnyja historyi» sa spasyłkaju na krynicu, blizkuju da FSB.
Ciapier čytajuć
Ździełka Trampa z Pucinym: čym za jaje mohuć zapłacić Ukraina i Biełaruś2
Ździełka Trampa z Pucinym: čym za jaje mohuć zapłacić Ukraina i Biełaruś
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski77
Rasijski repier Jahor Kryd źniaŭsia ŭ majcy z vyjavaj hieroja filma «Idzi i hladzi», jakomu damalavali pirsinh i tatuiroŭki. Cišotku vypuścili krama biełaruski7
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary