Rasijski konsuł, jaki sprabavaŭ departavać hrupu «Bi-2» z Tajłanda, mahčyma, sychodzić sa svajoj pasady
Hienkonsuł RF na Pchukiecie Uładzimir Sasnoŭ nanios raźvitalny vizit hubiernataru pravincyi, śćviardžajecca na sajcie adździeła pa suviaziach z hramadskaściu miascovaha MZS.
Ni Ministerstva zamiežnych spraŭ Rasii, ni inšyja aficyjnyja orhany nie paviedamlali ab sychodzie Sasnova, zahada ab vyzvaleńni jaho ad pasady na aficyjnym partale taksama niama, piša Sota.
Pavodle vydańnia, Uładzimir Sasnoŭ pasyłaŭ tajskim uładam «čorny śpis» artystaŭ, jakich miascovyja ŭłady pavinny byli nie dapuskać da vystupaŭ i departavać u Rasiju, i asabista telefanavaŭ u miascovy departamient mihracyi z patrabavańniem nie adpuskać muzykaŭ sa štrafam, a adpravić na radzimu.
Raniej palityk Dźmitryj Hudkoŭ śćviardžaŭ, što hienierał tajskaj palicyi Surachat Chakparn staŭ fihurantam kryminalnaj spravy ab karupcyi paśla paviedamleńniaŭ ab tym, što jon byŭ datyčny da ŭtrymańnia ŭdzielnikaŭ hrupy «Bi-2» na vostravie za chabar.
***
25 studzienia 2024-ha muzyki hurta «Bi-2 byli zatrymanyja ŭ Tajłandzie, što nibyta vystupali ŭ hetaj krainie z kancertami biez adpaviednaha dazvołu. Rasijskija ŭłady damahalisia departacyi muzykaŭ u Rasiju, ale ŭrešcie ich udałosia vyzvalić i vyvieźci z Tajłanda ŭ Izrail.
«Bi-2» — rasijskamoŭny rok-hurt, utvorany ŭ 1988 hodzie ŭ Babrujsku. Zasnavalniki i ŭdzielniki jaho — Šura Bi-2 (Alaksandr Uman — hitara, vakał) i Lova Bi-2 (Jahor Bortnik — asnoŭny vakał). U 2020-m muzyki «Bi-2» padtrymali pratesty ŭ Biełarusi, a ŭ 2022-m asudzili ahresiju Rasii suprać Ukrainy.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy68
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary