«Bi-2» zapościli fota ź Cichanoŭskaj i paabiacali vystupić u Minsku paśla pieramohi
Učora ŭ Vilni prajšoŭ kancert Bi-2. Jany sabrali poŭnuju Avia Solution.
«Vielmi pryjemnaja sustreča sa Śviatłanaj Cichanoŭskaj pierad kancertam! Vilnia, dziakuj!» — napisaŭ u sacsietkach Lova Bi-2.
Muzyki padziakavali demakratyčnaj lidarcy za padtrymku ŭ spravie ich vyzvaleńnia z tajskaj turmy. Śviatłana ŭ adkaz vykazała słovy pavahi ad biełarusaŭ za antyvajennuju pazicyju hurta — i paprasiła nie zabyvać svajo pachodžańnie dy karani.
Muzyki raspaviali, što chacieli ŭ 2020-m vystupić z kancertam kala Steły, ale nie paśpieli. Cichanoŭskaja pacikaviłasia, ci vystupiać muzyki paśla pieramohi ŭ Minsku — i atrymała stanoŭčy adkaz.
Na kancert u Vilni hurt pryjšli pasłuchać i padtrymać šmat biełarusaŭ — padčas vystupu ŭ zali łunali bieł-čyrvona-biełyja ściahi.
Na zaprašeńnie frantmenaŭ hurta Lovy i Šury Cichanoŭskaja zastałasia na kancert — muzyki pryvitali biełarusaŭ sa sceny.
***
Učora Lova Bi-2 (Jahor Bortnik) daŭ intervju Radyjo Svaboda, dzie jon čarhovy raz vykazaŭsia pra staŭleńnie da Rasii.
«Heta nazva miascovaści. Niekali adčuvaŭ tam siabie doma, ale za paŭtara hoda ja ŭžo navučyŭsia žyć bieź jaje. Heta byŭ nie niejki vypadkovy zajezd u Rasiju. My z Šurykam u Aŭstralii stali razumieć, što ŭ nas usio atrymlivajecca, na jakoj by movie my ni śpiavali, ale ŭ nas była dziciačaja mara pryjechać kali nie ŭ Biełaruś, to ŭ były Saviecki Sajuz, Rasiju, i stać papularnym hurtom. Ja vielmi šmat pryśviaciŭ času, kab pracavać z fanetykaj rasijskaje movy, kab jaje adaptavać pad sučasnuju muzyku, ron-n-roł.
Ja lublu rasijskuju movu, u mianie šmat siabroŭ u Rasii, naturalna. Ciapier prosta Rasija chvoraja. Razam ź joju zachvareła niejkaja kolkaść ludziej. Rasija — heta ahresar, jaki napaŭ na Ukrainu».
***
«Bi-2» — rasiejskamoŭny rok-hurt, utvorany ŭ 1988 hodzie ŭ Babrujsku. Zasnavalniki i ŭdzielniki jaho — Šura Bi-2 (Alaksandr Uman — hitara, vakał) i Lova Bi-2 (Jahor Bortnik — asnoŭny vakał).
U 2020-m muzyki «Bi-2» padtrymali pratesty ŭ Biełarusi, a ŭ 2022-m asudzili ahresiju Rasii suprać Ukrainy.
25 studzienia 2024-ha muzyki hurta «Bi-2 byli zatrymanyja ŭ Tajłandzie, što nibyta vystupali ŭ hetaj krainie z kancertami biez adpaviednaha dazvołu. Rasijskija ŭłady damahalisia departacyi muzykaŭ u Rasiju, ale ŭrešcie ich udałosia vyzvalić i vyvieźci z Tajłanda.
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram11
«Tolki try čałavieki buduć viedać pra vas. Samy pieršy čałaviek krainy». Źjavilisia zapisy razmoŭ špijonki Iny Kardaš z kurataram
«Łukašenka pavinien panieści adkaznaść za saŭdzieł u rasijskaj ahresii». Ministr zamiežnych spraŭ Ukrainy raskazaŭ pra novuju palityku ŭ dačynieńni da Biełarusi1818
Kamientary