Rasijanie ździejśnili praryŭ u Danieckaj vobłaści, zachapiŭšy Ačarecina
Pasiołak Ačarecina raźmieščany na stratehična važnaj čyhunačnaj vietcy, jakaja viadzie da apošnich haradoŭ u Danieckaj vobłaści, jakija zastajucca pad kantrolem USU.
Rasijskaja armija ŭziała pad kantrol centr nievialikaha pasiołka Ačarecina (3600 čałaviek da pačatku ŭvarvańnia) u Danieckaj vobłaści. Paśla zaciatych bajoŭ, jakija doŭžylisia miesiacami, padraździaleńni US RF zmahli na praciahu apošnich 48 hadzin zajści ŭ nasieleny punkt, faktyčna nie sustreŭšy surjoznaha supracivu, piša Bild.
Na dumku vajennaha ahladalnika Julijana Ropkie, pryčyna pośpiechu rasijskaj armii ŭ tym, što dziasiatki sałdat USU, jakija trymali abaronu na hetym učastku, byli vymušany adstupić.
Pasiołak Ačarecina, adznačaje Ropkie, raźmieščany na stratehična važnaj čyhunačnaj vietcy, jakaja viadzie da apošnich haradoŭ u Danieckaj vobłaści, jakija zastajucca pad kantrolem USU. Pakul što niezrazumieła, jak ukrainskaje vojska maje namier spyniać nastup US RF.
Ukrainskija vajskoŭcy i analityki pišuć ab tym, što praryŭ rasiejcaŭ staŭ mahčymy paśla taho, jak 115-ja miechanizavanaja bryhada USU niečakana «samavolna pakinuła svaje pazicyi».
Ukrainskija ŚMI paviedamlajuć, što vajennaje kamandavańnie pačało rasśledavańnie paśla hetych paviedamleńniaŭ.
Ciapier čytajuć
Kruiz na ciepłachodzie «Biełaja Ruś» pa rekach Paleśsia kaštuje jak adpačynak u Turcyi. Ale kajuty na viasnu-leta amal vykuplenyja8
Kamientary