Ukraina płanuje pačać kontrnastup u 2025 hodzie, kali «pratrymajecca» ŭ 2024 hodzie
Pa słovach zachodnich čynoŭnikaŭ, zaraz Kijeŭ znachodzicca ŭ samym uraźlivym stanoviščy za dva hady vajny. Isnuje ryzyka kałapsu ŭkrainskich sił i praryvu Rasii.
Rakietnyja ataki i bambardziroŭki siłami Rasii, a taksama niedachop bojeprypasaŭ i nastup na froncie ŭzmacniajuć aściarohi, što vajenny kanflikt va Ukrainie blizki da pierałomnaha momantu, piša «Ukraina zaraz» sa spasyłkaj na Le Figaro.
Pradstaŭnik Biełaha doma zajaviŭ, što Kanhresu nieabchodna pryniać miery, kab uchvalić vajennuju dapamohu, i inšaha šlachu niama.
Francuzskija vajskoŭcy ličać, što pieramoža toj, chto pieršym mabilizujecca, ale abodva baki pakul nie hatovy pryniać rašučyja kroki. Ukrainskaje hramadstva stamiłasia ad vajny, a Kreml paźbiahaje niepapularnych rašeńniaŭ, kab nie vyklikać unutranuju apazicyju.
Francuzski čynoŭnik adznačaje cikavaść Ukrainy da ZRK SAMPT, paraŭnalna z amierykanskim Patriot. Bolš, čym sama sistema, patrebnyja rakiety da jaje, ale vytvorca nie zmoža pastavić bolš rakiet Aster 30 u karotkaterminovaj pierśpiektyvie.
Trahiedyja z 30‑hadovaj doktarkaj sa Starobina — pajšła vydalać zub mudraści i pamierła23
Kamientary