Pa biełaruskich škołach jeździać udzielniki rasijskaha šavinistyčnaha aŭtaprabiehu
Pa biełaruskich škołach jeździać udzielniki rasijskaha šavinistyčnaha «aŭtamabilnaha malitoŭnaha šeścia «Za Ruś Śviatuju», zaŭvažyli pravaabaroncy z Mayday.team.
Viadoma, što ŭ Siańnie dyrektar škoły №1 Alaksandr Ładyžyn prymusiŭ bolš za sto vučniaŭ starejšych kłasaŭ sustrecca ź Siarhiejem Susłavym, lidaram «aŭtašeścia», jakoje startavała z Mahadana ŭ 2017 hodzie.
Užo siem hadoŭ «tryadziny chresny chod» na «hazielach» i «ŭazikach» jeździć pa roznych haradach Rasii i navat zajazdžaje ŭ inšyja krainy. Pieršapačatkovaja hrupa padzialiłasia na try častki, a aktyvisty voziać pa roznych haradach užo try kopii nibyta Śviatoha Kryža, znojdzienaha ŭ Sachockim bałocie ŭ Ivanaŭskaj vobłaści ŭ 1423 hodzie. Akramia kryžoŭ, jany voziać abrazy Baharodzicy, cara Mikałaja Druhoha i śviaciciela Łuki Vojna-Jasianieckaha.
Asnova vielmi śpiecyfičnaha navat dla Pravasłaŭnaj carkvy vučeńnia hastralujučych «pałomnikaŭ» — heta «vola Božaja ab stvareńni Rasii». A kreda samoha Siarhieja Susłava apisana ŭ jahonych sacsietkach: «Słava Hospadu za ŭsio! Za Pucina! Za Rasiju! Za Isusa Chrysta i matuchnu Baharodzicu!»
U lutym hetaha hoda «aŭtamabilnaje malitoŭnaje šeście» jeździła pa akupavanych Rasijaj terytoryjach Danbasa, a pravasłaŭnyja aktyvisty «aśviačali» abrazami snajpierskija vintoŭki i achvotna fatahrafavalisia sa zbrojaj.
Ciapier svoj śvietapohlad «pałomniki» imknucca pieradać školnikam u Viciebskaj vobłaści z błasłavieńnia Viciebskaj jeparchii.
Na vajnie va Ukrainie zahinuŭ prapahandyst z rasijskich «Iźviestij»
«Ruskija — biełyja pa nieparazumieńni. Nasamreč my čyrvanaskuryja, žaŭtaskuryja, čarnaskuryja». Prylepin daŭ pieršaje vialikaje intervju paśla zamachu
U Biełaruś pratačyłasia novaja siekta z Rasii. Były zek zmušaje pastvu pradavać kvatery i vykidać dakumienty
Kamientary