Zachodnim inviestaram abmiežavali atrymańnie prybytku i dyvidendaŭ u Biełarusi
Saviet ministraŭ pryniaŭ pastanovu numar 299 ab prymianieńni śpiecyjalnaj abmiežavalnaj miery adnosna hramadzian i arhanizacyj z tak zvanych «niedružalubnych» krain.
Dakumient ustanaŭlivaje abmiežavańni na vypłatu dyvidendaŭ zamiežnym ułaśnikam majomaści jurydyčnych asob Biełarusi.
Biełaruskaja jurydyčnaja asoba zmoža vypłačvać svaim zamiežnym udzielnikam i ŭłaśnikam majomaści raźmierkavany prybytak abo naličanyja dyvidendy tolki z dazvołu abłvykankama abo Minharvykankama pry vykanańni hetaj jurydyčnaj asobaj šerahu kryteryjaŭ.
Abmiežavańni prymianiajucca ŭ tym vypadku, kali suma vypłačanych na praciahu hoda prybytku i dyvidendaŭ pieravyšaje ŭ sukupnaści na ŭsich zamiežnych udzielnikaŭ, ułaśnikaŭ majomaści 80 tysiač bazavych vieličyń (na ciapierašni momant heta 3,2 młn rubloŭ) abo ekvivalent hetaj sumy ŭ zamiežnaj valucie pa aficyjnym kursie Nacbanka Biełarusi.
Kab atrymać prybytak i dyvidendy, treba adpaviadać šerahu kryteraŭ — ad uzroŭniu zarobku da zapazyčanaściaŭ u FSAN.
U śpisie niedružalubnych krain, udakładniajecca ŭ dakumiencie, — dziaržavy ES, Aŭstralija, Kanada, Lichtenštejn, Narviehija, Novaja Ziełandyja, Ałbanija, Isłandyja, Paŭnočnaja Makiedonija, Vialikabrytanija, ZŠA, Čarnahoryja i Šviejcaryja.
Pastanova nabudzie moc 24 krasavika i budzie dziejničać da 31 śniežnia 2025 hoda.
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali26
«Sumny horad, pra jaki pryniata dobra kazać». Rasijanka raskrytykavała Minsk — biełarusy joj iranična padziakavali
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ2222
Palitviazień Kim Samusienka paraŭnaŭ śviet na momanty jaho pasadki i vyzvaleńnia: Usio niadrenna dla jeŭrapiejskaj cyvilizacyi, a značyć, i dla biełarusaŭ22
U dzień pačatku Pieciarburhskaha ekanamičnaha forumu USU nanieśli dziasiatak udaraŭ pa naftavym terminale ŭ porcie horada i bazie Bałtfłotu ŭ Kranštacie4141
Kamientary