Dačka Ramzana Kadyrava atrymała ŭznaharodu za ŭkład u «raźvićcio pradprymalnictva». Jana zaniałasia biznesam hod tamu
19-hadovaja dačka kiraŭnika Čačni Tabaryk Kadyrava atrymała miedal «Za zasłuhi pierad Čačenskaj respublikaj», paviedamlajecca na sajcie meryi Hroznaha, piša «Nastojaŝieje vriemia».
«Źjaŭlajučysia zasnavalnikam kampanii» Irs hrup«, Tabaryk Ramzanaŭna prajaviła siabie jak inicyjatyŭny i efiektyŭny kiraŭnik, jaki imkniecca da vysokich vynikaŭ na daručanym kirunku», — havorycca ŭ publikacyi.
Z uznaharodžańniem Tabaryk Kadyravu taksama pavinšavaŭ jaje dziadźka, staršynia Duchoŭnaha ŭpraŭleńnia musulman Čačni Sałach Miežyjeŭ. Jon adznačyŭ, što pad kiraŭnictvam Tabaryk kampanija «realizavała šmat biznes-prajektaŭ u śfiery roźničnaha i aptovaha handlu, restarannaha i haściničnaha biznesu».
Jak adznačajuć «Kavkaz.Riealii», miedal Tabaryk Kadyrava atrymała za ŭkład u «raźvićcio pradprymalnictva i inviestycyjnaj pryvabnaści rehijonu».
Dačka Ramzana Kadyrava ŭznačaliła «Irs Hrup» u sakaviku 2023 hoda, va ŭzroście 18 hadoŭ. Arhanizacyja zajmajecca handlem, vypiečkaj chleba, kiravańniem nieruchomaściu, pasažyrskimi pieravozkami. Pa vynikach minułaha hoda «Irs Hrup» zadekłaravała vyručku ŭ 203 młn rubloŭ (2,17 młn dalaraŭ). Čysty prybytak kampanii skłaŭ 196 młn rubloŭ (2,1 młn dalaraŭ), a vydatki — 6,2 młn. rubloŭ (64 tysiačy dalaraŭ).
Pry hetym adna z kampanij hrupy — «Hrozienskaje taksi» — skončyła 2023 sa stratami ŭ 22 młn rubloŭ (235 tysiač dalaraŭ). Firma ličycca najbujniejšym pieravozčykam u Hroznym. Uviesnu 2023 hoda paviedamlałasia, što taryfy ŭ «Jandeks.taksi» ŭ Čačni vyraśli ŭ try razy. Pa dadzienych miascovych apazicyjnych aktyvistaŭ, heta było źviazana z «rejdami» kadyraŭcaŭ suprać kankurentaŭ.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary