U Kalininhradskaj vobłaści adbyŭsia pažar na borcie małoha rakietnaha karabla «Sierpuchaŭ», paviedamiła Hałoŭnaje ŭpraŭleńnie raźviedki Minabarony Ukrainy.
Pavodle najaŭnaj infarmacyi, 7 krasavika na vajskova-marskoj bazie «Bałtyjsk» u Kalininhradskaj vobłaści zahareŭsia mały rakietny karabiel «Sierpuchaŭ» prajekta 21631 «Bujan-M». Hetaje sudna — piaty karabiel sieryi. Karabiel nibyta vyviedzieny z ładu.
«Z-za pažaru ŭnutry rakietnaha karabla całkam źniščanyja jaho srodki suviazi i aŭtamatyzacyi. Adnaŭleńnie bajazdolnaści «Sierpuchova» zapatrabuje doŭhaha času», — havorycca ŭ paviedamleńni HUR.
Pa słovach krynicy vydańnia «Suśpilnie», uzharańnie na rakietanośbicie — vynik śpiecyjalnaj apieracyi HUR.
Karabiel «Sierpuchaŭ» da kanca 2016 hoda byŭ u składzie Čarnamorskaha fłotu, zatym pieraviedzieny ŭ Bałtyjski. Jon abstalavany ŭstanoŭkaj viertykalnaha pusku (UVP) 3S14 na 8 kryłatych rakiet «Oniks», u pierśpiektyvie 3M22 «Cyrkon», a taksama «Kalibr», što dazvalaje nanosić udary hetymi rakietami pa naziemnych celach na adlehłaść da 1500 km (ź niajadziernaj bajavoj častkaj), pa inšych danych, da 2000 km.
Były pamočnik Łukašenki Ihar Bryło pryznaŭ, što nabraŭ chabaraŭ na $2 miljony10
Kamientary