Novy prafsajuzny lidar zajaviŭ, što rabočym nie abaviazkova viedać zakony
Prafsajuzy, kali što, dapamohuć.
Novy kiraŭnik Fiederacyi prafsajuzaŭ Biełarusi Juryj Siańko raskazaŭ, jakija zadačy stavić pierad arhanizacyjaj. Pa słovach eks-staršyni Mytnaha kamiteta, prafsajuzy pavinny rabić tak, kab rabotniki na pradpryjemstvie nie zadumvalisia pra zakony.
«Važnaja zadača našamu rabotniku, členu prafsajuza, jaki pracuje na vytvorčaści, nie zadumvacca nad tym, ci viedaje jon dakładna asnovy pracoŭnaha, albo hramadzianskaha, albo administracyjnaha zakanadaŭstva. Jon pavinien vykonvać svaje pracoŭnyja abaviazki. Zadača — abaranić jaho intaresy, stvaryć umovy. Heta praca prafsajuza», — adznačyŭ Siańko ŭ intervju dziaržmiedyja.
Akramia taho, novy staršynia FPB źbirajecca abjadnać i kansalidavać hramadstva, kab jano «adzinym frontam dasiahała pastaŭlenych zadač», u tym liku zachavańnia tradycyj, zdaroŭja i inšych kaštoŭnaściaŭ.
Siańko na pasadzie kiraŭnika FPB źmianiŭ Michaiła Ordu, jakoha pryznačyli deputatam Pałaty pradstaŭnikoŭ.
Ciapier čytajuć
Stali viadomyja novyja detali ŭ maštabnaj spravie arhanizataraŭ kancertaŭ4
Kamientary