«My rychtujemsia da vajny, ja ab hetym havaru ščyra». Jak razumieć hetyja słovy Łukašenki?
U čas pajezdki ŭ Hrodna Alaksandr Łukašenka zajaviŭ, što Biełaruś nie choča vajavać, ale nibyta rychtujecca da vajny. «Naša Niva» spytała ŭ jaho bijohrafa Valera Karbaleviča, što značać takija zajavy z vusnaŭ palityka.
Valer Karbalevič adrazu adznačaje, što heta całkam u styli Łukašenki — u adnym i tym ža vystupie vykazvać supiarečlivyja i časam uzajemavyklučalnyja tezisy.
«Tak i ŭ hetym vypadku jon kaža, što, z adnaho boku, my rychtujemsia da vajny, a ź inšaha — my za mir va ŭsim śviecie, bo my ŭvohule mirnyja ludzi i ni z kim vajavać nie źbirajemsia».
Karbalevič bačyć u hetym manipulacyju.
«U takim vypadku kožnaja aŭdytoryja voźmie toje, što choča. Prychilniki Łukašenki źviernuć uvahu na jaho miralubivyja słovy pra toje, što my za mir. Jany buduć ličyć jaho harantam miru i stabilnaści ŭ Biełarusi. U toj čas, jak jahonyja apanienty — naadvarot začepiacca za hetuju frazu i nazavuć jaho prychilnikam vajny», — tłumačyć palitołah.
Susiednija krainy, na dumku Karbaleviča, taksama reahujuć na padobnyja zajavy: naściarožvajucca i vystupajuć z dypłamatyčnymi notami.
Vykazvańni pra vajnu — elemient mabilizacyi prychilnikaŭ, dziaržaŭnaha aparatu i siłavych struktur.
«Adbyvajecca farmavańnie madeli «krepaści ŭ abłozie». Vakoł vorahi, unutry vorahi, tamu dziela taho, kab vyžyć, treba ŭsim mabilizavacca. Adsiul i iduć pastajannyja vučeńni, pravierki hatoŭnaści vajskovych padraździaleńniaŭ, pastajannyja zbory, stvareńnie terabarony i h. d.»
Takuju madel analityk nazyvaje aptymalnaj dla ŭtrymańnia ŭłady.
Karbalevič ličyć, što, robiačy takija supiarečlivyja zajavy, u Łukašenki atrymlivajecca adrasavać ich da roznych aŭdytoryj, u tym liku ŭ Rasii.
«Maŭlaŭ, hladzicie, my tut abaraniajem miežy Sajuznaj dziaržavy, tamu heta pavinna być adpaviedna aceniena, u tym liku ŭ materyjalnym płanie», — ličyć Valer Karbalevič.
Čytajcie taksama:
Biełarusy bolš nie zmohuć adnosna biaśpiečna jeździć u Biełaruś praz Rasiju?«Viadoma, my nie vyklučajem». Va USU adreahavali na słovy Łukašenki pra padrychtoŭku da vajny
-
Na mahile Viački Stankieviča na pomniku — ni słova pa-biełarusku. Voś pra što heta kaža nakont emihrantaŭ, emihracyi i «biełaruskaści ŭnukaŭ»
-
Lvoŭski: U Biełarusi nacyjanalnaje śviata — heta rycarskija turniry, u Rasii — sarafany i karahody
-
Praryŭ marakancaŭ u Sieutu: što heta było? Ci mahła heta być tonkaja pomsta Vašynhtona Madrydu? I ci adabjecca na lehalizacyi biełarusaŭ?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?11
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?1
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary