Niekatoryja bankamaty pamianiali ałharytm pracy — možna zabycca zabrać hrošy
U Minsku zjavilisia bankamaty, jakija pry źniaćci najaŭnych hrošaj vydajuć spačatku kartu, a ŭžo potym hrošy. Heta adroźnivajecca ad zvykłaha scenara, dzie čałaviek zabiraje kupiury, a potym moža zrabić inšuju apieracyju ci zabrać kartku. Heta niejki zboj? Ci možna zabyć hrošy? Onlíner spytaŭ u «Alfa-Banka», z čym źviazana źmiena.
Tam patłumačyli, što ludzi, zdymajučy hrošy ŭ bankamacie, časta zabyvajuć u im svaju kartu. Tady klijent zastajecca bieź jaje na niejki čas, a banku davodzicca marnavać dadatkovyja resursy na atrymańnie kart.
— My vyrašyli vypravić hetuju situacyju i pieršymi na rynku źmianili praces — spačatku klijent zabiraje svaju kartu, a paśla hetaha ŭžo hrošy, za jakimi, jon ułasna i pryjšoŭ. Važna padkreślić, što dla klijentaŭ na ekranie niekalki razoŭ prajhrajecca adpaviedny tekst ab tym, što treba zabrać i kartu, i hrošy. Z momantu ŭviadzieńnia novaha ałharytmu kolkaść zabytych kart udałosia skaracić utraja.
Niekalki bankamataŭ hetaha banka jašče pracujuć pa staroj schiemie, ale ŭ bližejšy čas ich płanujuć zamianić na novyja.
Ciapier čytajuć
Statkievič apublikavaŭ foty ich novaha z Marynaj Adamovič doma3
Statkievič apublikavaŭ foty ich novaha z Marynaj Adamovič doma
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»1010
Biełarus-vachtavik na Jamale stvaraje pieśni na biełaruskaj movie z dapamohaj ŠI. «Raniej muzyka była zakrytym kłubam. Niejrasietki adčynili hetyja dźviery z nahi»10
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary
💳 Vatutaka, u zamiežžy, spačatku «baksamiot» stralaje kartkaj, to bok vysoŭvaje, niby jazyk, jaje ŭ ščołku. I tolki potym — praz kolki sekundaŭ — raznaściežvajecca lučok, dzie lažać źniatyja taboj «kupiuli».
💸 A ŭ RB navat banka- (jak biez matu?!) -mat apaśla pakazvaŭ kartu, pa jakoj «hatoviłaś napadzienije» na vas zamoŭlenaj najaŭkaj? :) Sapraŭdy, jak nie zabyć jaje, kali na radaściach schapiŭ svajho rubla?