Palitźniavolenyja Siarhiej Sałocha, Raman Sidziuk i Kirył Kanapacki całkam adbyli svaje terminy i vyjšli na volu — im raniej pryznačyli ad 3,5 da 4 hadoŭ kałonii, paviedamlaje dissident.by.
Siarhiej i Raman — žychary Bresta, fihuranty spravy ab masavych biesparadkach u horadzie 10 žniŭnia, pa č. 2 art. 293 Kryminalnaha kodeksa. Sałochu pryznačyli 4 hady pazbaŭleńnia voli, Sidziuku — 3,5 hoda.
Kirył — futbolny fanat z Mazyra. Jon byŭ zatrymany ŭ miežach kryminalnaj spravy ab hrupavych dziejańniach, što hruba parušajuć hramadski paradak (art. 342 KK). Na sudzie stała viadoma, što taksama jaho abvinavačvajuć i pa art. 364 KK (hvałt ci pahroza hvałtam u dačynieńni da supracoŭnika milicyi). Jamu pryznačyli 3,5 hoda pazbaŭleńnia voli.
Taksama na volu vyjšaŭ žychar Dokšycaŭ Alaksandr Sinica — jaho asudzili na paŭtara hoda kałonii za nadpis «3%».
Ciapier čytajuć
U Homieli za palityku asudzili kiraŭnika abjadnańnia, jakoje šukaje pareštki achviaraŭ vajny i stalinskich represij, i jaho žonku-miedsiastru8
Kamientary