Mierkavańni1111

Biełaruś pieratvorycca ŭ Paŭnočnuju Kareju ci da takoha nie dojdzie?

Palitołah Valer Karbalevič u svaim artykule na sajcie «Svabody» analizuje kurs uładaŭ na pieraŭtvareńnie aŭtarytarnaha režymu ŭ tatalitarny i vyznačaje jaho abmiežavańni. Koratka pierakazvajem źmiest.

Fota: Valery Sharifulin Sputnik Kremlin Pool Photo via AP

Karbalevič adznačaje, što dla Łukašenki padziei 2020-ha hoda stali novym adlikam biełaruskaj historyi. Dla taho, kab jany nie paŭtarylisia, ułady vyrašyli pravieści tatalnuju pierabudovu ŭsioj sistemy.

Najpierš źmieny zakranuli palityčny režym, jaki staŭ nabyvać rysy tatalitarnaha. Na pohlad palitołaha, u krainie pabudavanaja kłasičnaja palicejskaja dziaržava, asnoŭnym elemientam jakoj źjaŭlajucca siłavyja struktury.

U cełym palityčnaja sistema pačała nahadvać savieckuju. Pastaŭlena zadača, jakaja ŭ savieckija časy farmulavałasia jak farmavańnie «novaha čałavieka». Usia sistema adukacyi, praca ideałahičnaj viertykali skiravanaja na vychavańnie łukašystaŭ.

Aceńvajučy hieapalityčny razvarot Biełarusi ŭ bok Hłabalnaha Poŭdnia, palitołah padkreślivaje, što heta nie prosta źmiena viektara, a źmiena kaštoŭnaściaŭ. U jakaści ŭzoru Łukašenka imkniecca ŭziać kitajskuju palityčnuju sistemu.

Ale, na pohlad Karbaleviča, u pierabudovie sacyjalnaj, hramadska-palityčnaj sistemy isnujuć peŭnyja abmiežavańni.

Łukašenka nie moža całkam zabaranić pryvatny siektar, bo razumieje, što ekanomika pačnie padać. Palityčnaja addanaść kadraŭ abaročvajecca ich nievysokim prafiesijanalizmam.

Niedemakratyčnaja palityčnaja sistema pryvodzić da razryvu suviaziaŭ pamiž hramadstvam i ŭładami, jakija pierastajuć razumieć, što adbyvajecca ŭ hramadskim asiarodździ. Adsutnaść davieru nasielnictva da dziaržaŭnych instytutaŭ dziaržava musić kampiensavać žorstkimi represijami.

Naturalnym abmiežavalnikam stvareńnia tatalitarnaj sistemy źjaŭlajucca nastroi ŭ hramadstvie.

Palitołah adznačaje, što kłasičnaja tatalitarnaja sistema praduhledžvaje pastajannuju palityčnuju i ideałahičnuju mabilizacyju hramadstva.

Ale na adnym strachu mabilizacyju nie zładziš, patrebnaje sapraŭdnaje adzinstva ŭłady i narodu. A ŭ Biełarusi ludzi nie majuć davieru da dziaržaŭnych instytutaŭ. Akramia hetaha, farmiravańniu «novaha čałavieka» pieraškadžaje adsutnaść ideałohii.

Karbalevič bačyć i peŭnyja abmiežavańni ŭ vybudovie tatalitarnaj sistemy, źviazanyja z kulturaj, mientalitetam i kalektyŭnym biesśviadomym.

Pieratvareńniu piersanalisckaha režymu ŭ tatalitarny, na dumku palitołaha, pieraškadžaje jaho zaležnaść ad kankretnaha ŭładara. Fizičnaje žyćcio Łukašenki źjaŭlajecca naturalnym abmiežavalnikam, bo niama miechanizmu tranzitu ŭłady.

Sapraŭdny tatalitaryzm, nahadvaje Karbalevič, pavinien siahać u viečnaść. U vypadku Biełarusi nieviadoma, kolki jašče pakiruje Łukašenka, čym skončycca vajna va Ukrainie. Adčuvańnie časovaści, mahčymaści pieramien u budučym taksama źjaŭlajecca mocnym abmiežavalnikam farmiravańnia stałaha i stabilnaha tatalitaryzmu.

Kamientary11

  • daviedka
    30.03.2024
    KHB staniet priejemnikom počivšieho Łukašienko, vot tohda v stranie okončatielno ustanovitsia totalitarnaja sistiema.
  • Č
    30.03.2024
    Jana (tatalitarnaja sistema) nie tolki mahčymaja, jana ŭžo jość! ☠️🇧🇾☠️🇧🇾☠️
  • Nu prama
    30.03.2024
    Hłupstva. Russkij mir, jaki zamianiŭ 4/5 nasielnictva rodnuju kulturu, maje, i ŭłasnuju impierskuju idejałohiju, i srodki jaje nasadžeńnia, i amal biaskoncy kadravy rezierv z Uschoda. 

Biełaruska raskazvaje, jak z 15 hadoŭ žyvie z šyzafrenijaj19

Biełaruska raskazvaje, jak z 15 hadoŭ žyvie z šyzafrenijaj

Usie naviny →
Usie naviny

Advakat łatvijskaha baskietbalista Cimy: Z rasijskaha morha jaho addali hołym, biez hrymu i balzamacyi1

Na praciahu dvuch sutak ZŠA prymuć rašeńnie ab mahčymym dałučeńni da vajennych dziejańniaŭ suprać Irana6

Ankołah Karanik vystupiŭ z dakładam ab zachavańni bujnoj rahataj žyvioły14

Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach7

Taŭro «Słava Rasii» na žyvacie ŭkrainskaha pałonnaha. Chto i navošta moh heta zrabić i ci možna jaho vyvieści?2

Učora viečaram i siońnia ranicaj u Biełarusi naziralisia sierabrystyja abłoki1

Na zarobki ŭ Polšču ciapier tolki z DNŽ? Razabralisia, chto moža pracaŭładkavacca tam pa novych praviłach14

Z-pad zavałaŭ šmatpaviarchovika ŭ Kijevie nočču dastali jašče piać ciełaŭ, kolkaść zahinułych dasiahnuła 21

U Biełarusi pačynajuć pradavać elektrakary za 20 900 rubloŭ. Ale vyhladajuć jany vielmi niezvyčajna2

bolš čytanych navin
bolš łajkanych navin

Biełaruska raskazvaje, jak z 15 hadoŭ žyvie z šyzafrenijaj19

Biełaruska raskazvaje, jak z 15 hadoŭ žyvie z šyzafrenijaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić