Prezident Ukrainy 30 sakavika zvolniŭ svajho pieršaha pamočnika Siarhieja Šefira i niekalkich daradcaŭ.
Akramia Šefira, Zialenski taksama zvolniŭ niekalkich daradcaŭ, siarod jakich Michaił Raducki, Siarhiej Trafimaŭ i Aleh Uścienka, piša «Ukrainskaja praŭda».
Zvolnienyja jašče i pazaštatnyja ŭpaŭnavažanyja ŭ pytańniach vałanciorskaj dziejnaści Natalla Puškarova i ŭ pytańniach zabieśpiačeńnia pravoŭ abaroncaŭ Alena Viarbickaja.
Šefir źjaŭlajecca daŭnim siabram Zialenskaha i jaho biznes-partnioram. Jon byŭ dyrektaram i zasnavalnikam studyi «Kvartał-95».
Siarhiej Šefir — scenaryst i pradziusar bolš za dziasiatka filmaŭ i sieryjałaŭ. Heta filmy «Kachańnie ŭ vialikim horadzie 3», «Ržeŭski suprać Napaleona», «Vosiem pieršych spatkańniaŭ» dy inš.
Razam sa svaim bratam Barysam byŭ pradziusaram sieryjałaŭ «Słuha naroda» i «Svaty».
Pieršym pamočnikam Uładzimira Zialenskaha Siarhiej Šefir byŭ pryznačany ŭ mai 2019 hoda, nieŭzabavie paśla pieramohi Zialenskaha na vybarach.
Kamientary
Jermak - lepšy daradca Zialenskaha.
Kramloŭskija i parachaboty za heta jaho i nienavidziać.