Va Ukrainie aštrafavali kiraŭnicu kramy za toje, što ŭ joj hrała muzyka Cimy Biełaruskich
Jak stała viadoma «Radyjo Svaboda», incydent adbyŭsia 21 studzienia. U kramie «Čyrvony markiet», što ŭ horadzie Śmieła Čarkaskaj vobłaści, hučała muzyka śpievaka Cimy Biełaruskich, jaki «padtrymlivaje ahresiju Rasii».
Na kiraŭnicu kramy skłali akt ab administracyjnym parušeńni pavodle faktu parušeńnia hramadskaha spakoju i marali padčas vajennaha stanovišča ŭ krainie.
Hramadzianka Ukrainy ciapier pavinna spłacić 51 hryŭniu štrafu i 665 hryŭniaŭ sudovaha zboru, ahułam pryblizna 16,5 dalara ŭ ekvivalencie.
Kali kiraŭnica kramy nie spłacić svoječasova štraf, jaho pavialičać udvaja — da 102 hryŭniaŭ.
Cima Biełaruskich zdabyŭ papularnaść u 2018 hodzie ź pieśniaj «Mokryje krossy», jakaja stała papularnaj u Rasii i Biełarusi, za jaje atrymaŭ šerah rasijskich uznaharod. Vydaŭ dva albomy, šerah klipaŭ.
U krasaviku 2021 hoda za zachoŭvańnie amfietaminu i hašyšu śpievaka asudzili na 2 hady «chatniaj chimii». Paśla zakančeńnia terminu jon adnaviŭ svaje kancerty ŭ Rasii.
U adroźnieńnie ad mnohich biełaruskich i rasijskich artystaŭ, Cima Biełaruskich publična nie vykazvaŭsia ŭ padtrymku ahresiŭnych dziejańniaŭ Rasii i Biełarusi. U 2024 hodzie jaho ŭklučali ŭ śpis niepažadanych artystaŭ u Rasii, adnak miarkujuć, što heta adbyłosia praź jaho «narkatyčnuju» spravu ŭ Biełarusi.
Cima Biełaruskich pajechaŭ u pieršy vialiki tur paśla chatniaj chimii za narkotyki — pa Rasii
Cima Biełaruskich vypuściŭ pieršuju pieśniu paśla pryhodaŭ pa narkatyčnym kryminalnym artykule
Cima Biełaruskich adnaŭlaje kancerty — u Rasii
U Smalavičach pačynajecca sud z-za vykazvańniaŭ Cimy Biełaruskich u intervju Dudziu
Kamientary