Nacyjanalny aeraport Minsk z 31 sakavika pierachodzić na viasnova-letni raskład. Jon budzie dziejničać pa 26 kastryčnika 2024 hoda. U novym raskładzie źmienicca čas vykanańnia asobnych rejsaŭ.
U pres-słužbie aeraporta adznačyli nastupnyja asablivaści novaha raskładu:
- Uzbekistan Airways pavialičvaje kolkaść rejsaŭ u Taškient da 5 u tydzień;
- čakajecca start palotnaj prahramy Red Wings z Archanhielska ŭ krasaviku i Beijing Capital Airlines z Sańji ŭ traŭni;
- «Biełavija» adkryje rejsy ŭ Machačkału (z 26 krasavika);
- avijakampanija Azimuth praciahnie paloty ŭ Minieralnyja vody;
- płanujecca vykanańnie čartarnaj prahramy avijapieravozak pa papularnych kurortnych napramkach — Turcyja (Antalja, Bodrum, Iźmir) i Jehipiet (Churhada, Šarm-el-Šejch).
Usiaho ŭ raskładzie try dziasiatki napramkaŭ dvanaccaci pieravozčykaŭ.
Na hetych vychodnych Jeŭropa pierachodzić na letni čas. Strełki buduć pieraviedzienyja ŭ noč na niadzielu na adnu hadzinu napierad.
Ale paśla prymusovaj pasadki 23 maja 2021 hoda ŭ Minsku rejsu Ryanair Afiny — Vilnia z Ramanam Pratasievičam i Safijaj Sapiehaj samaloty ź Minska ŭ Jeŭropu nie lotajuć.
Rasija, Biełaruś, Hruzija, Armienija, Azierbajdžan, Kazachstan, Uźbiekistan i Turkmienistan strełki ŭžo niekalki hadoŭ jak nie pieravodziać.
Strełki pieravodziacca chiba ŭ Jehipcie, kudy lotajuć biełaruskija samaloty.
Ciapier čytajuć
«Kajłas, ja idu». Što za biełaruska źnikła ŭ žudasnym sieli ŭ Niepale12
Kamientary