Stała viadoma, jakija terytoryi razhladajucca pad schovišča radyjeaktyŭnych adkidaŭ
Dyrektar RUP «Biełaruskaja arhanizacyja pa abychodžańni z radyjeaktyŭnymi adkidami» Dźmitryj Łohvin na palach mižnarodnaha forumu «Atamekspa» ŭ Sočy raspavioŭ žurnalistam, jak u Biełarusi rychtujucca da budaŭnictva punkta pachavańnia radyjeaktyŭnych adchodaŭ, piša BiełTA.
U Biełarusi płanujecca pabudavać punkt, jaki budzie praduhledžvać zbor, zachoŭvańnie, sartavańnie, pierapracoŭku i pachavańnie radyjeaktyŭnych adkidaŭ.
«Što tyčycca vybaru placoŭki, my razhladajem usiu terytoryju krainy. Praviedziena rabota pa vyvučeńni fondavych materyjałaŭ, archiŭnych dadzienych. Vyklučyli niejkuju častku terytoryi, dzie niemahčyma raźmiaščeńnie našaha pradpryjemstva. Jość dva asnoŭnych kirunki, jakija my razhladajem.
Pieršaja — asnoŭnaja krynica vypracoŭki radyjeaktyŭnych adkidaŭ, heta značyć Biełaruskaja AES. Druhoje — terytoryja Paleskaha dziaržaŭnaha radyjacyjna-ekałahičnaha zapaviednika, heta značyć adčužanyja ziemli, jakija nie ŭciahnutyja ŭ haspadarčy abarot.
Ciapier pravodziacca kompleksnyja inžyniernyja pošuki, jakija dazvolać z dastatkovaj padstavaj spynić svoj vybar na toj ci inšaj placoŭcy. Skazać, dzie kankretna budzie punkt, my pakul nie hatovyja, hetaja praca jašče viadziecca», — skazaŭ Dźmitryj Łohvin.
Ciapier čytajuć
Maŭrykij, Siejšeły, Šry-Łanka i nie tolki: pahladzieli, kudy źbiehli ad biełaruskich marazoŭ praŭładnyja artysty i viadučyja15
Kamientary