«Pry mnie šukali abjavy na Avita». Biełaruski pierahonščyk mašyn ź ES u Rasiju raskazaŭ, jak palaki znajšli ŭpravu na jaho
Polskija mytniki znajšli aryhinalny sposab adłovu biełaruskich pierahonščykaŭ, jakija voziać mašyny ŭ Rasiju pad vyhladam tranzitu ŭ Siaredniuju Aziju. Pra kryŭdnuju niespadziavanku raskazaŭ čytač, jaki na hetym zarablaje.
Paśla sychodu z Rasii zachodnich aŭtamabilnych brendaŭ, a taksama ŭviadzieńnia sankcyj na pastaŭki luksavych aŭto, deficyt mašyn tam u mnohim sprabujuć zapoŭnić kamiercyjna-aktyŭnyja biełarusy. Robicca heta roznymi schiemami, u tym liku, praź fiktyŭnyja pastaŭki ŭ Siaredniuju Aziju.
Tak, pa dakumientach mašyna byccam by jedzie ŭ Kyrhyzstan ci Tadžykistan, vyjazdžaje z Polščy, ale dzie jana tam asiadaje? Idzi šukaj.
Adzin z našych čytačoŭ, jaki sprabuje zarablać takimi pieravozkami i pradaŭ niekalki mašyn u Rasii, raskazaŭ, jak prakałoŭsia nastolki, što palaki ŭ pryncypie zakryli jahonaj kampanii mahčymaść pracavać.
Apisanaja historyja adbyłasia na minułym tydni.
Biełarus vaziŭ mašyny, pakazvajučy na papiery kancavy punkt pryznačeńnia ŭ adnoj z krain Siaredniaj Azii.
Na hety raz jon, jak zvyčajna, vioz niekalki mašyn. Ale polskija mytniki pravieryli nazvu jaho jurydyčnaj asoby i ŭbačyli, što raniej kampanija ŭžo vaziła mašyny tranzitam u adnu ź siarednieazijackich krain.
Što zrabiŭ mytnik?
«Jon prosta pry mnie staŭ šukać raniej vyviezienyja mašyny na Avita (heta adzin z samych papularnych rasijskich resursaŭ pa pieraprodažy aŭto — «NN»). Spačatku šukaŭ supadzieńni pa marcy, madeli, kolery i hodzie vyrabu. Kali znajšoŭ takija supadzieńni, to pravieryŭ supadzieńnie VIN-numaroŭ (unikalny numar kožnaj mašyny)», — raskazvaje naš surazmoŭca.
U vyniku adnu z mašyn, jakuju naš čytač raniej vyvoziŭ z Polščy pad vyhladam tranzitu, znajšli na rasijskaj placoŭcy.
Na čym uvieś praces afarmleńnia dakumientaŭ byŭ spynieny. Mytnik zajaviŭ biełarusu, što ŭsie mašyny, jakija viazie hetaja kampanija, terytoryju Polščy nie pakinuć.
Tamu jon moža abo vyhružać ich i jechać pustym pryčepam u Biełaruś, abo razvaročvacca.
@nashaniva Polskija mytniki znajšli aryhinalny sposab adłovu pierahonščykaŭ, jakija voziać mašyny ŭ Rasiju pad vyhladam tranzitu ŭ Siaredniuju Aziju #biełaruś #našaniva #navinybiełarusi #biełaruśnovosti #novostibiełarusi #avto #biełorusy #biełaruskajamova #pieriekup #mova ♬ Paris - 3Hzwave Čytajcie taksama:
«Na miažy kałaps». Polšča ŭviała abmiežavańni pa ŭvozie aŭtamabilaŭ praź biełaruski pahranpierachod
Polšča pierastała prapuskać u Biełaruś lehkavyja aŭtamabili na tranzitnych numarach
-
«Nichto nie maje prava zabaranić mnie abniać dzicia». Minčanka ździviłasia strohim praviłam u dziciačym letniku
-
AMAP zatrymlivaje minčukoŭ na miescy padzieńnia bieśpiłotnika ŭ dvary na Matusieviča
-
Biełaruski biznesmien, jakoha šukaje Interpał, adkryŭ restaran u Varšavie. Ciapier ź im sudziacca byłyja padnačalenyja
Ciapier čytajuć
Na vulicy Matusieviča ŭ Minsku pobač ź dziciačym sadkom upaŭ bieśpiłotnik35
Na vulicy Matusieviča ŭ Minsku pobač ź dziciačym sadkom upaŭ bieśpiłotnik
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje77
«Dzieci rastuć z adčuvańniem, što być biełarusam pačesna, jak vypusknikom Harvarda». U Batumi dziejničaje biełaruskamoŭnaja škoła — voś jak heta pracuje7
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć1414
U Breście pry savietach jaŭrejskija mohiłki zakatali pad stadyjon. Ciapier tam adkryli pieršy ŭ krainie łapidaryj. Ale chto zrujnavaŭ mohiłki, chavajuć14
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes2222
Kamientary