IDIŁ apublikavała FOTA bajevikoŭ, jakija nibyta napali na «Krokus». Paraŭnajcie z tymi, jakich zatrymali rasiejcy
«Isłamskaja dziaržava» apublikavała fatahrafiju, jak jana śćviardžaje, vykanaŭcaŭ teraktu u «Krokus Sici Chole». Tvary ich schavanyja za maskami i zabluranyja, ale adzieńnie supadaje z adzieńniem tych ludziej, jakich zatrymali rasijskija siłaviki i paśla pakazali na videa.
Infarmahienctva Amaq, dzie źjaviłasia fatahrafija, nazvała ataku «pomstaj Rasii za baraćbu ź IDIŁ».
U zajavie havorycca, što čaćviora bajevikoŭ «Isłamskaj dziaržavy» ździejśnili ataku z vykarystańniem aŭtamatyčnaj zbroi, nažoŭ i samarobnych vybuchovych pryład, a za miescam teraktu raniej viałosia nazirańnie.
Adzieńnie, u jakim vyjaŭlenyja ludzi na fota, padobnaje na toje, u jakoje apranutyja zatrymanyja pa padazreńni ŭ ździajśnieńni teraktu.
Amierykanski telekanał CBS News pierad tym paviedamiŭ, što ZŠA zahadzia papiaredžvali rasijskich siłavikoŭ ab mahčymym napadzie i pieradali im adpaviednyja raźvieddanyja.
Žurnalisty BBC News adznačajuć, što atrymali paćviardžeńnie hetaha taksama ad pres-sakratarki Rady nacyjanalnaj biaśpieki ZŠA Edryjen Uotsan.
ZŠA pieradavali Maskvie danyja pra padrychtoŭku terakta
Terakt u «Krokus Sici Chole» pad Maskvoj. Što viadoma pa stanie na viečar suboty
MUS Rasii admaŭlaje najaŭnaść rasijskaha hramadzianstva ŭ zatrymanych pa spravie terakta ŭ «Krokusie»
Źjaviłasia VIDEA, na jakim siłaviki adrazajuć vucha tadžyku, zatrymanamu za terakt
Kamientary