Kampanija Iłana Maska pakazała, jak pieršy čałaviek z užyŭlenym čypam Neuralink hulaje ŭ šachmaty siłaj dumki
29-hadovy Nołand Arba paralizavany ŭžo vosiem hadoŭ nižej plačej.
Pieršy pacyjent, jaki atrymaŭ u kancy studzienia 2024 hoda, impłantat ad kampanii Iłana Maska Neuralink, zmoh zhulać u šachmaty siłaj dumki. Videazapis hetaj padziei apublikavany ŭ akaŭncie Neuralink u sacyjalnaj sietcy X.
Nołand Arba, jakomu 29 hadoŭ, zmoh vykarystoŭvać svoj kampjutar dla hulni ŭ šachmaty i ŭ hulniu Civilization VI, ad jakich daŭno admoviŭsia z-za paraliču. Jon raspavioŭ, što atrymaŭ traŭmu śpinnoha mozhu ŭ vyniku «niaščasnaha vypadku pry pahružeńni» vosiem hadoŭ tamu. Pry hetym paśla pracedury ŭžyŭleńnia čypa jaho vypisali ź lakarni na nastupny dzień, dadaŭ jon.
«Heta ŭžo źmianiła majo žyćcio. Apieracyja była vielmi lohkaj», — skazaŭ Arba.
Neuralink nie adzinaja kampanija, jakaja pracuje nad mazhavymi čypami, jakija padklučajucca da kampjutaraŭ. Sučasnyja demanstracyi kiravańnia kursoram z dapamohaj dumak pravodzilisia na inšych ludziach z roznymi typami impłantataŭ, takich jak tyja, jakija ŭstanoŭleny kansorcyumam daśledčych instytutaŭ i balnic BrainGate.
Adnak pryłada Neuralink źmiaščaje bolš elektrodaŭ. Heta dazvalaje vykazać zdahadku, što ŭ budučyni ŭ jaho moža być bolš patencyjnych užyvańniaŭ. Technałohija Neuralink pracuje bieź nieabchodnaści pravadnoha padklučeńnia da vonkavych pryład.
U paviedamleńni na płatformie X u sieradu Iłan Mask namiaknuŭ, što pryłada moža mieć zdolnaść adnaŭlać zrok. «Blindsight — heta nastupny pradukt paśla telepatyi», — napisaŭ jon.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks21
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1717
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki17
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary