Nvidia prezientavała «samy mahutny ŭ śviecie» čyp dla štučnaha intelektu
Mahutnyja čypy dla hrafiki i prahramnaje zabieśpiačeńnie Nvidia źjaŭlajucca nieadjemnym kampanientam u raspracoŭkach madelaŭ hienieratyŭnaha štučnaha intelektu, jaki stvaraje novy kantent i idei.
Kampanija Nvidia prezientavała novaje pakaleńnie mikračypaŭ Blackwell, pryznačanych u pieršuju čarhu dla raspracovak u śfiery štučnaha intelektu. Vytvorca nazyvaje jaho samym mahutnym čypam u śviecie, piša Bi-bi-si.
«Nam patrebnyja bolš mahutnyja hrafičnyja pracesary. Tamu ja chaču pradstavić vam vielmi, vielmi mahutny GPU», — skazaŭ hienieralny dyrektar kampanii Džensien Chuanh na kanfierencyi raspracoŭščykaŭ u Kalifornii, pakazvajučy novy čyp.
U Nvidia adznačajuć, što płatforma Blackwell, jakaja ŭklučaje spadarožny soft, pryznačana dla zvyšchutkich vyličeńniaŭ, jakija dapamohuć ažyćciavić praryvy ŭ apracoŭcy vialikich abjomaŭ dadzienych, inžyniernym madelavańni, aŭtamatyzacyi prajektavańnia elektroniki, raspracoŭcy lekaŭ, kvantavych vyličeńniach i hienieratyŭnych ŠI.
Mahutnyja čypy dla hrafiki i prahramnaje zabieśpiačeńnie Nvidia źjaŭlajucca nieadjemnym kampanientam u raspracoŭkach madelaŭ hienieratyŭnaha štučnaha intelektu, jaki stvaraje novy kantent i idei.
Kampanija zajaviła, što jaje asnoŭnyja klijenty, uklučajučy Amazon, Google, Microsoft, Meta, Tesla i OpenAI, buduć vykarystoŭvać novy čyp u servisach chmarnych vyličeńniaŭ i dla svaich ułasnych raspracovak u śfiery štučnaha intelektu.
Nvidia, zasnavanaja ŭ Kramianiovaj dalinie ŭ 1993 hodzie, pieršapačatkova była viadomaja jak vytvorca mikračypaŭ dla apracoŭki hrafiki, pierš za ŭsio ŭ kampjutarnych hulniach, čym praciahvaje paśpiachova zajmacca da hetaha času.
Adnak Chuanh zrabiŭ staŭku na štučny intelekt, inviestavaŭšy ŭ dadatkovyja funkcyi dla pracesaraŭ Nvidia zadoŭha da taho, jak hetaja technałohija stała šyroka papularnaj.
Za apošni hod košt akcyj kampanii ŭźlacieŭ na 240%, a jaje rynkavaja kapitalizacyja ŭ hetym hodzie pieravysiła 2 trłn dalaraŭ, što zrabiła jaje treciaj pa košcie kampanijaj u ZŠA paśla Microsoft i Apple.
Dzie pracujuć i jak vyhladajuć žonki top-čynoŭnikaŭ?16
Dzie pracujuć i jak vyhladajuć žonki top-čynoŭnikaŭ?
«Kali b ja byŭ śledčym KDB, ja b padkreśliŭ toje samaje». Fiaduta — pra schavanyja sensy «Kałasoŭ pad siarpom tvaim», uvahu siłavikoŭ da svajho rukapisu i zahadku z treciaj častkaj ramana Karatkieviča1111
Kamientary