Hramadstva11

«Treba cud, kab hetyja režymy dvuch dziadoŭ abrynulisia». Biełarusy raskazali, što dumajuć pra prezidenckija vybary ŭ Rasii

U niadzielu, 17 sakavika, u Rasii adbudziecca asnoŭny dzień hałasavańnia na prezidenckich vybarach, choć jany i tak užo iduć poŭnym chodam. U suviazi z hetym vydańnie Ech-press.by raspytała svaich čytačoŭ, ci źmieniać jany, na ich dumku, žyćcio biełarusaŭ. Mierkavańni padzialilisia ad «ničoha asablivaha nie adbudziecca» da «Biełaruś budzie kančatkova ŭciahnutaja ŭ vajnu».

Fota: AP Photo

Siarhiej:

«Ničoha asablivaha nie adbudziecca ŭ Biełarusi paśla vybaraŭ u Rasii. Budziem pacichu kałupacca, hladzieć prapahandystaŭ na cieleku i ŭ internecie i pacichu pryvučacca, što «žyviem u samaj lepšaj krainie, a ŭsie astatnija krainy nam zajzdrościać». A naohuł, treba rychtavacca da vybaraŭ u Biełarusi ŭ 2025 hodzie i bolš nie być naiŭnymi, a razumieć, z kim my majem spravu».

Jaŭhienija:

«Ja naohuł hetaj historyjaj z vybarami ŭ Rasii nie cikaŭlusia. Na noč hladžu sieryjały pra kachańnie, pačytać biaru niešta lohkaje, časam navat debilny humar… A jašče ja adčuvaju, što my i sami žyviem u sieryjale. Heta pra Biełaruś i pra Rasiju. Zdajecca, Biełaruś žyvie ŭ piatym siezonie, a ŭ Rasii ŭsio toje ž samaje, tolki jašče siezon čatyry… Ale ŭsio pad kapirku. I hetyja pastanovačna-paradyjnyja sieryjały, u jakich šutaŭskija vybary ŭ Rasii nikoha nie naśmiešać.

Usio budzie ciažka ŭ ich… A ŭ Biełarusi na krok napieradzie, heta jašče ciažej. Pakul ciarpieńnie naroda nie łopnie. Ale, na žal, i ŭ nas, i ŭ ich — mora bajaźliŭcaŭ i prystasavancaŭ. Tamu dobrych finałaŭ nie čakaju».

Jahor:

«Pucin praštampuje svajo pieraabrańnie. Niama tam nijakich vybaraŭ, heta takaja ž chłuśnia, jak i ŭ Biełarusi. I Łukašenku tak možna čarhovym razam — narodziec zatknuć i taksama znoŭ praštampavać».

Volha:

«Nichto nie sumniavajecca, što vynik prezidenckich vybaraŭ u Rasii pradvyznačany, Pucin čarhovym razam zojmie prezidenckaje kresła. A heta značyć, što Biełaruś buduć jašče macniej zasmoktvać u Rasiju. U Biełarusi buduć pavialičvacca represii, raści padatki… I, nie vyklučana, što Biełaruś budzie kančatkova ŭciahnutaja ŭ vajnu».

Michaił:

«U Rasii buduć «vybary» prezidenta ciapier, u Biełarusi buduć u 2025 hodzie. I nam treba cud, kab hetyja režymy dvuch dziadoŭ, jakija zachapili našy žyćci, urešcie abrynulisia. Dumaju, ciapier, paśla «vybaraŭ» Pucina, ničoha mocna nie źmienicca, usio budzie iści hetak ža sama — nas Rasija budzie pahłynać, a my budziem tryvać. Spadziajusia, nie viečna».

Alaksandr:

«Paśla vybaraŭ RF uzmocnić vajennyja dziejańni, i Biełaruś budzie ŭciahnutaja jašče bolš. U Biełarusi ŭžo daŭno «stakholmski sindrom» — my ŭsie achviary svajho i rasiejskaha kiraŭnika i amal udziačnyja za hvałt nad nami…

Daj Boh, kab u nas nie abjavili mabilizacyju. Vuń kolki vučeńniaŭ adbyvajecca biaskonca. Mnie ŭžo strašna za syna. Jamu pakul 16 hadoŭ, i ja ŭžo źbirajusia jaho adpravić na vučobu ŭ Jeŭropu. Nie chaču, kab jon vajavaŭ, dy i naohuł, kab byŭ datyčny da vojska».

Kamientary1

  • Cud heta bajka dla imbiecyłaŭ
    17.03.2024
    Razumnyja ludzi dapamahajuć ZSU

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Usie naviny →
Usie naviny

Na paradzie ŭ Minsku pakazali zienitny kompleks na šasi MAZ, jaki vykarystoŭvaje Rasija va Ukrainie3

U Jehipcie pierakuliŭsia aŭtobus z turystami ź Biełarusi, Rasii i Kazachstana

U Minsku prajšoŭ vajskovy parad u honar 80-hodździa pieramohi nad Hiermanijaj10

U Pakistanie dumajuć, što dla ich u Biełarusi buduć 198 tysiač vakansij1

«Upeŭnieny, jon i z kaniom kala arki pahavaryŭ». Rasijski žurnalist apisaŭ pryjezd Łukašenki na parad9

Hirkin nazvaŭ mahčymyja kirunki nastupnych ukrainskich udaraŭ6

U Minsku ŭžo źjaviłasia novaja siniaja raźmietka1

Na parad u Hrodnie vyvieli kazu. Ź joj akazałasia składaniej, čym ź ludźmi VIDEA10

Što viadoma pra biełarusa Andreja Sakałoŭskaha-Stankieviča, jakoha aryštavali ŭ Rasii i abvinavačvajuć u padrychtoŭcy dyviersii2

bolš čytanych navin
bolš łajkanych navin

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj37

Anžalika Mielnikava tydzień praviała na Šry-Łancy i vylecieła ź dziećmi ŭ Dubaj

Hałoŭnaje
Usie naviny →

Zaŭvaha:

 

 

 

 

Zakryć Paviedamić