Biełaruś uviała zabaronu na ŭvoz šerahu tavaraŭ z terytoryi Litvy
Urad uvioŭ zabaronu na ŭvoz asobnych tavaraŭ praź biełaruska-litoŭski ŭčastak dziaržmiažy. Adpaviednuju pastanovu padpisaŭ premjer-ministr Biełarusi Raman Hałoŭčanka, paviedamiła pres-słužba ŭrada.
Zabaronu ŭviali na pieramiaščeńnie praz punkty propusku na biełaruska-litoŭskaj miažy šerahu tavaraŭ, što ŭvoziacca dla realizacyi na terytoryi Biełarusi, niezaležna ad krainy ich pachodžańnia.
«Zabaronienyja da ŭvozu dla realizacyi i spažyvańnia na terytoryi Biełarusi nastupnyja tavary: vody, piva, viny, susła vinahradnaje, viermuty, napoi inšyja zbrodžanyja, śpirt etyłavy, vocat, šyny i pakryški pnieŭmatyčnyja humovyja, adzieńnie i inšyja vyraby, jakija byli va ŭžyvańni, a taksama ŭžyvanyja raniej častki i pryłady transpartnych srodkaŭ», — havorycca ŭ paviedamleńni.
Akramia taho, Biełaruś ustanaŭlivaje zabaronu na impart ź Litvy asobnych tavaraŭ, uklučajučy pradukty charčavańnia, budaŭničyja vyraby i bytavuju techniku.
«U pryvatnaści, u nazvany pieralik uklučanyja asobnyja tavary, jakija pachodziać ź Litoŭskaj Respubliki: małako i viarški zhuščanyja, sadavina i arechi, kava, soki fruktovyja, vody, vocat, kałhotki, pančochi, holfy, škarpetki i inšyja pančošna-škarpetkavyja vyraby, asobnyja budaŭničyja vyraby, chaładzilniki i marazilniki», — raskazali ŭ pres-słužbie ŭrada.
Praŭda, nazvanyja zabarony nie zakranajuć tavary, jakija ŭvoziacca na terytoryju Biełarusi dla asabistaha karystańnia.
Hetaja pastanova padajecca jak adkaz na pryniataje Litvoj rašeńnie ab spynieńni ruchu tavaraŭ, transpartu i ludziej praz dva pamiežnyja punkty propusku. Rašeńnie biełaruskaha ŭrada prakamientavali ŭ MZS Biełarusi.
«Heta niehatyŭna adabjecca na pracy šmatlikich litoŭskich łahistyčnych apierataraŭ i pryviadzie da adčuvalnaj straty ich dachodaŭ u suviazi ź istotnym skaračeńniem tavaraabarotu», — zajavili ŭ MZS, adznačyŭšy, što nastupnaja na čarzie — Łatvija.
Čytajecca taksama:
Bujny pieravozčyk raskazaŭ, što z aŭtobusami ŭ ES paśla zakryćcia «Katłoŭki» i «Pryvałki»
Antyrekord z pačatku hoda: 3175 fur čakajuć ujezdu ŭ ES
Vyniki apošniaha apytańnia pakazali, što litoŭcy prychilna staviacca da biełarusaŭ
Ciapier čytajuć
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4545
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie45
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ1010
Kamientary