Bujny pieravozčyk raskazaŭ, što z aŭtobusami ŭ ES paśla zakryćcia «Katłoŭki» i «Pryvałki»
1 sakavika Litva zakryła na miažy ź Biełaruśsiu punkty propusku «Łavaryški» («Katłoŭka») i «Rajharad» («Pryvałka»). Jak praz dva tydni heta adbiłasia na aŭtobusach i cenach na kvitki, pradstaŭniki servisu «Atłas» raskazali Office Life.
Rejsaŭ stała mienš, a niekatoryja maršruty źmianilisia, kažuć u kampanii. Naprykład, z Hrodna ŭ Polšču aŭtobusy zaraz jeduć tolki praz punkt propusku «Brest» («Terespal»). Pry hetym bolšaść rejsaŭ iduć u Varšavu, a pramych aŭtobusaŭ z Hrodna ŭ Biełastok stała mienš.
U kampanii adznačyli, što košt kvitkoŭ z Hrodna vyras tolki da Biełastoka — dadaŭšy 20 rubloŭ.
Pajezdki ź Minska ŭ Varšavu padaraželi ź minimalnych 105 rubloŭ da 130 rubloŭ, a ŭ Vilniu — plus 20%, ciapier jany kaštujuć ad 100 rubloŭ.
U kampanii taksama adznačyli, što čerhi sapraŭdy vyraśli. Tak, u śviatočnyja dni čakańnie na miažy moža zaniać da sutak. Asabliva składana na polskim napramku, dzie pieravozčyki zdymajuć abo dadajuć rejsy ŭ zaležnaści ad situacyi na miažy.
U toj ža čas pramych rejsaŭ ź Biełarusi ŭ Polšču praź Litvu ciapier niama, udakładnili ŭ kampanii «Atłas». Ale mnohija pasažyry ŭsio roŭna jeduć da Vilni ci inšych litoŭskich haradoŭ, a tam pierasadžvajucca na aŭtobus u Varšavu, Biełastok abo pa inšych napramkach. Tak jany raźličvajuć vyjhrać čas za košt mienšaj čarhi i bolš chutkaha prachodžańnia miažy.
Antyrekord z pačatku hoda: 3175 fur čakajuć ujezdu ŭ ES
«Aŭtobus byŭ zabity jak na Novy hod». Jak z pajezdkami za miažu paśla zakryćcia dvuch prapusknych punktaŭ?
Hruzavikoŭ šmat, lehkavych mała. Što adbyvajecca na miežach Biełarusi praz tydzień paśla zakryćcia dvuch punktaŭ propusku
Jak źmianiłasia prapusknaja zdolnaść na miažy ź Litvoj paśla zakryćcia dvuch punktaŭ propusku
Na miažy ź Litvoj paśla zakryćcia dvuch pamiežnych pierachodaŭ sabralisia vialikija čerhi
26‑hadovaha supracoŭnika elitnaha padraździaleńnia mytni asudzili na 16 hadoŭ pa nabory palitartykułaŭ. Siarod ich i «zdrada dziaržavie»6
Kamientary