Pieśnia pra vymušanuju mihracyju stała himnam kocikaŭ: zavirusiŭsia trek biełaruskaha śpievaka AP$ENT
Karystalniki tyktoku vykładvajuć videa sa svaimi chatnimi hadavancami pad radki ź pieśni biełaruskaha śpievaka AP$ENT: «Stoj, možno ja s toboj? S toboj, postoj!». Na ŭsiaki vypadak papiaredžvajem: aściarožna, dalej budzie šmat miłych videa.
Raniej u intervju «Našaj Nivie» Arsień Kiślak (heta sapraŭdnaje imia śpievaka) raspaviadaŭ, što pieśnia «Možno ja s toboj» źjaviłasia ŭ Hruzii, kudy Arsień razam z žonkaj byŭ vymušany ekstranna evakuiravacca ŭ studzieni 2022 hoda. Reč u tym, što kachanuju artysta zatrymali za kamientaryj u telehram-kanale i prysudzili joj hod «chimii» z nakiravańniem — siamja vymušana była chutka źjechać ź Biełarusi adrazu paśla suda. Amal usio muzyčnaje abstalavańnie daviałosia pakinuć na radzimie.
— Usio, što ja paśpieŭ uziać z saboj, kali źjazdžaŭ ź Biełarusi, — hety vinčestar dy aŭdyjakartu. Treba było nabyvać muzyčnaje abstalavańnie znoŭ — u hetym krychu dapamoh «Bajsoł», jaki abviaściŭ zbor srodkaŭ dla majoj siamji. U Hruzii ja rabiŭ treki za makijažnym stolikam — mienavita tady źjaviłasia pieśnia «Možno ja s toboj», jakaja ciapier najbolš časta prasłuchoŭvajecca.
Darečy, pa tekście pieśni možna zrazumieć, što jana pryśviečana mienavita vymušanaj mihracyi. Tam jość takija słovy:
Moh byť słavnyj dieniok,
No zvonok — tiebie hrozit srok za paru strok.
Da, tut tak siebie vajb.
Vidimo, pora. Nu čto ž, byvaj, rodnyj kraj!Po kustam nočnoj tropoj.
Da, płan otstoj. Postoj, a možno ja s toboj?
Ale ž karystalniki tyktoku nadali treku novy sens i ciapier publikujuć videa (čaściej za ŭsio s katami), u jakich biazdomnaja žyviolina biažyć za čałaviekam pad słovy «S toboj, postoj! Stoj, možno ja s toboj?». Niechta raspaviadaje, što zabraŭ kaciania z vulicy. A inšyja prosta pakazvajuć, jak chatnija hadavancy chočuć zaŭsiody być pobač.
U kamientaryjach pieśniu ŭžo nazyvajuć himnam kocikaŭ.
Možno ja s toboj? ….
«Diadia Saša, biez obid, no vam nikto nie rad». Pahutaryli ź biełaruskim śpievakom AP$ENT, čyje pieśni źbirajuć miljony prasłuchoŭvańniaŭ
«Ludzi čakajuć novych videa, tamu ja nie mahu machnuć rukoj i ničoha nie zdymać». Dziaŭčyna robić biełaruskamoŭnyja kaviery na znakamityja pieśni i dzielicca imi ŭ TikTok
Što słuchać pa-biełarusku? Top papularnych piesień u Spotify na rodnaj movie PŁEJLIST
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii11
Kamientary