«Prezident Zialenski hetaha nie prosić». U ZŠA adreahavali na zakliki Makrona
Prezident Francyi Emaniuel Makron padčas vizitu ŭ Čechiju 5 sakavika paćvierdziŭ raniej skazanyja słovy ab mahčymaści adpraŭki zachodnich vojskaŭ va Ukrainu i zaklikaŭ jeŭrapiejcaŭ «nie być bajaźliŭcami». Na heta adreahavali i ŭ Vašynhtonie.

Kaardynatar stratehičnych kamunikacyj u Radzie nacyjanalnaj biaśpieki Biełaha doma Džon Kirbi, kamientujučy słovy francuzskaha prezidenta, zajaviŭ, što amierykanskija vojski nie buduć vajavać va Ukrainie.
«Ja nie budu analizavać słovy prezidenta Makrona. U jaho niesumnienna jość prava i mahčymaść vykazvać svajo mierkavańnie. Ja mahu kazać tolki ad imia prezidenta Bajdena, hałoŭnakamandujučaha. Jon z samaha pačatku jasna daŭ zrazumieć, što amierykanskija vojski nie buduć vajavać na terytoryi Ukrainy», — padkreśliŭ Kirbi.
Jon taksama adznačyŭ, što prezident Ukrainy Uładzimir Zialenski nikoli nie źviartaŭsia da zachodnich krain z prośbaj adpravić zachodnija vojski dla supraćdziejańnia rasijskamu ŭvarvańniu.
«Prezident Zialenski hetaha nie prosić, jon tolki prosić pra instrumienty i srodki. Jon nikoli nie prasiŭ, kab za jaho krainu zmahalisia zamiežnyja vojski», — skazaŭ Kirbi žurnalistam.
Čytajcie taksama:
Čamu Makron raptam zahavaryŭ pra mahčymy ŭvod zachodnich vojskaŭ va Ukrainu
Makron nie vyklučyŭ mahčymaści adpravić vojski zachodnich krain va Ukrainu
-
«Nie karalam!» U ZŠA prajšli maštabnyja akcyi pratestu suprać Trampa. Toj adkazaŭ u svajoj maniery
-
Pucin u razmovie z Trampam zapatrabavaŭ poŭnaj zdačy Danieckaj vobłaści ŭ abmien na pieramirje
-
«Niama nijakich dziaržaŭnych hrošaj, jość tolki hrošy padatkapłatnikaŭ». Čym Tetčer adroźnivajecca ad Natalli Kačanavaj
Ciapier čytajuć
«Ruki preč ad sasisačak!». U sacsietkach horača abmiarkoŭvajuć baraćbu Łukašenki z kavaj na zapraŭkach. Niekatoryja zaklikajuć dziejničać bolš žorstka

Kamientary