Čyrvony pakoj i Buda. U Minsku pradajuć kvateru z futurystyčnym dyzajnam
Heta dvuchuzroŭnievaja piacipakajoŭka na bierazie Ślapianki.
Ahulnaja płošča kvatery z unikalnym dyzajnam, vystaŭlenaj na prodaž — 245 m², žyłaja amal 180 m². Choł, haścioŭnia i kuchnia znachodziacca ŭ adnym pamiaškańni płoščaj 94 m². U centry — čyrvonaja kanapa.
Na druhi pavierch (antresol) viadzie leśvica sa šklanymi schodami.
Zvyčajnyja formy ŭ hetaj kvatery majuć tolki akonnyja i niekatoryja dźviarnyja prajomy. Leśvičnyja piaryły, balasiny i navat ubudavanyja ŭ stol śviacilniki vykanany ŭ futurystyčnym styli.
Kuchnia ŭ kvatery — biełaha koleru ź vielizarnymi panaramnymi voknami.
Z voknaŭ kvatery adkryvajecca vid na Nacyjanalnuju biblijateku.
Taksama majecca i čyrvony pakoj. Pobač ź im u ścianie možna zaŭvažyć arku, jakaja nahadvaje prachod dla myšy z multfilmaŭ pra Toma i Džery. Unutry čyrvonaha pakoju namalavany Buda.
U kvatery znachodzicca try sanvuzły. Dva z troch vannych pakojaŭ vykanany ŭ mienš futurystyčnym styli. U adnym ź ich mieścicca vialikaja džakuzi i, što davoli redka dla žyłych pamiaškańniaŭ, pisuar.
Łožak u spalnym pakoi taksama daloki pa svaich formach ad taho, što my pryzvyčailisia bačyć.
Meblu niestandartnych form možna zaŭvažyć i ŭ inšych pakojach. Praz toje, što kvatera znachodzicca na apošnim paviersie i vyšynia stoli mocna roźnicca z-za kanstrukcyi budynku, vychad na druhi pavierch (antresol) majecca nie tolki z choła, ale i z pracoŭnaha kabinieta.
Siarod inšaha na 245 «kvadratach» znajšłosia miesca dla prastornaj harderobnaj i spartyŭnaj zały.
Jak paznačana ŭ apisańni da abjekta, u pamiaškańni zrobleny aŭtarski ramont pa dyzajn-prajekcie z vykarystańniem najlepšych pa jakaści impartnych materyjałaŭ dla budaŭnictva i azdableńnia. Kvatera pradajecca razam z technikaj.
U kvatery zroblena dadatkovaja ciepłavaja i hukavaja izalacyja. Ustalavany kandycyjanier i prytokava-vyciažnaja vientylacyja.
Prosiać za kvateru 600 tysiač dalaraŭ, mahčymy handal.
Čytajcie taksama:
U Minsku adkryjuć škołu z asimietryčnymi voknami
«Adpracujcie 40 hadoŭ kiraŭnikom, i ŭ vas atrymajecca». Eks-sienatarka raskazała, jak možna zarabić na dom za $1,5 miljona
U Breście ŭračysta zdali dva damy dla vajskoŭcaŭ. Klučy ŭručaŭ ministr Chrenin
Ciapier čytajuć
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku1
«Napisali, jak ja chaču viarnucca ŭ śviatuju Rasiju». Prapahanda pierakruciła žart biełaruski i prydumała fejk pra zahnivajučuju Amieryku
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary
Ceny na nieruchomaść u Italii nie adsočvaju, ale žyć u Italii ŭ lubym vypadku pryjemniej budzie, čym u Minsku)))