Rasijskija prapahandysty zakryli niamieckamu pasłu dźviery ŭ MZS i zabłytalisia ŭ niamieckaj movie
Siońnia pasoł Niamieččyny ŭ Rasii Alaksandr hraf Łambsdorf byŭ vyklikany ŭ MZS RF u suviazi ź pierachopam razmovy niamieckich aficeraŭ.
Rasijskaja prapahanda sprabuje vystavić heta jak «padrychtoŭku Niamieččynaj vajny z Rasijaj». Kala ŭvachodu ŭ hmach na Smalenskaj płoščy pasła čakali rasijskija prapahandysty. Dziaŭčyna ź mikrafonam telekanała «Rasija 1» pierakryła jamu ŭvachod u budynak, piša Bild.
Pasoł pasprabavaŭ adčynić inšuju stvorku dźviarej, ale jana była začynienaja, a dziaŭčyna nie adychodziła. Tady niamieckija dypłamaty siłaj adčynili adzinyja dźviery, adcisnuŭšy dziaŭčynu. «Ci možam my prajści ŭ ministerstva? U nas jość zaprašeńnie. Vialiki dziakuj», — vietliva skazaŭ Łambsdorf.
Reparciory kryčali jamu pa-niamiecku adny i tyja ž frazy: «Čamu vy płanujecie ataki na rasijskija celi?», «Vy znoŭ chočacie vajny z Rasijaj?»
Adzin małady čałaviek ź mikrafonam zabłytaŭsia ŭ niamieckaj movie i skazaŭ biessensoŭnuju frazu: «Čamu vy chočacie atakavać niamieckija celi?»
Jak piša ahladalnik Bild, «heta była prapahandysckaja ataka na hiermanskaha pasła ŭ Maskvie, jakaja abiarnułasia haniebnaj raźviazkaj».
«Rasijskaja prapahanda chacieła vykarystać pryjezd hałoŭnaha niamieckaha dypłamata ŭ maskoŭskaje ministerstva, kab šantažavać jaho i źniać skandalnyja kadry dla dziaržtelebačańnia, — adznačaje aŭtar. — Ale prapahandysckaja pastka, jakuju rasijski režym zładziŭ niamieckamu pasłu, zusim nie atrymałasia».
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam14
Kamientary