U Homieli vynieśli prysud mužčynu, jaki parezaŭ nažom ciažarnuju siabroŭku
Sud Centralnaha rajona Homiela vynies prysud mužčynu, jaki źbiŭ, a zatym parezaŭ nažom žančynu, jakaja čakała ad jaho dzicia, piša «Biełka».
Jak raspaviali vydańniu ŭ prakuratury, historyja pačałasia viasnoj minułaha hoda, kali 32-hadovy miascovy žychar pajšoŭ ad žonki ź piaćciu dziećmi da svajoj novaj znajomaj. Praź niekalki miesiacaŭ para razyšłasia, ale nieŭzabavie žančyna daviedałasia, što ciažarnaja. Hetuju navinu jana paviedamiła byłomu i paprasiła hrošaj na abśledavańnie.
Sustreča prachodziła pozna viečaram 20 žniŭnia ŭ adnym z dvaroŭ na vulicy Mazurava i nie abyšłasia biez ałkaholu. A potym dajšło da rukaprykładstva — mužčyna staŭ źbivać žančynu spačatku rukami, a zatym dastaŭ składny nož i nanios im udary žančynie ŭ hałavu, šyju, vierchniuju častku korpusa, a taksama parezaŭ tvar. Žančynu vyratavali žychary doma, jakija vybiehli na kryki, la padjezda jakoha ŭsio adbyvałasia.
Mužčyna nanios paciarpiełaj kala 19 udaraŭ nažom. Paśla taho, što adbyłosia, žančynu čakali praciahłaje lačeńnie i reabilitacyja, tvar paciarpiełaj ciapier źniaviečany šramami, raspaviali ŭ prakuratury.
Sud pryznaŭ mužčynu vinavatym u naŭmysnym pryčynieńni ciažkaha cialesnaha paškodžańnia.
Jamu pryznačanaje pakarańnie ŭ vyhladzie siami hadoŭ pazbaŭleńnia voli ŭ kałonii ŭzmocnienaha režymu. Taksama ŭ jakaści maralnaj kampiensacyi paciarpiełaj jon musić vypłacić 15 tysiač rubloŭ.
Ciapier čytajuć
Kiraŭnik Lidy zaklikaŭ siłavikoŭ nie spyniać palityčnych represij11
Kamientary