Stała viadoma, jakija zarobki ŭ «pałatnika»-vieterana Ihara Marzaluka
Ihar Marzaluk — adziny z usich deputataŭ Pałaty pradstaŭnikoŭ novaha sklikańnia, jakoha ŭ administracyi Łukašenki vyrašyli pakinuć na treci termin. Vydańnie «Lusterka» adšukała jahonuju dekłaracyju ab dachodach, ź jakoj možna daviedacca, nakolki dla jaho heta chlebnaje miesca.
Zychodziačy z dekłaracyi Ihara Marzaluka, apublikavanaj u haziecie «Vieśnik Mahilova», hadavy dachod Marzaluka ŭ 2022 hodzie skłaŭ 104 393 rubli (pavodle tahačasnaha kursu pryblizna 39845 dalaraŭ), ci 8699 rubloŭ (3320 dalaraŭ) u miesiac. Heta vyhladaje našmat bolš, čym u inšych kalehaŭ, bo, jak raniej vyśvietliła «Lusterka», deputaty Pałaty pradstaŭnikoŭ u 2022 hodzie atrymlivali ad 4566 da 5706 rubloŭ (ad 1743 da 2178 dalaraŭ).
Deputat takoha ŭzroŭniu pavodle zakanadaŭstva nie maje prava sumiaščać deputackaje kresła ź inšaj pracaj (vyklučeńnie — navukovaja, tvorčaja i piedahahičnaja dziejnaść).
Najbolš vierahodna, što Marzaluk, jak były navukoviec i vykładčyk, maje lehalnyja dadatkovyja dachody. Tak, naprykład, jon uvachodzić u aŭtarskija kalektyvy padručnikaŭ, jakija rehularna pieravydajucca, a aŭtaram adpaviedna naličvajucca hanarary. Mahčyma taksama, što niešta moža pierapadać i za častyja vystupleńni na telebačańni.
Ź nieruchomaj majomaści Ihar Marzaluk maje dźvie kvatery. Adna ź ich u Minsku, ahulnaj płoščaj 74,5 kv. m, a druhaja — u Mahilovie, płoščaj u 62,8 «kvadrata».
Ciapier čytajuć
«Źnik bieź źviestak» vielmi małady biełaruski najomnik5
«Źnik bieź źviestak» vielmi małady biełaruski najomnik
Na Afonie adšukali try nieviadomyja raniej asobniki Astrožskaj Biblii. Dla jaje stvareńnia drukar Ivan Fiodaraŭ, vychadziec ź Biełarusi, vykarystoŭvaŭ teksty Skaryny66
Kamientary