Стала вядома, якія заробкі ў «палатніка»-ветэрана Ігара Марзалюка
Ігар Марзалюк — адзіны з усіх дэпутатаў Палаты прадстаўнікоў новага склікання, якога ў адміністрацыі Лукашэнкі вырашылі пакінуць на трэці тэрмін. Выданне «Люстэрка» адшукала ягоную дэкларацыю аб даходах, з якой можна даведацца, наколькі для яго гэта хлебнае месца.
Зыходзячы з дэкларацыі Ігара Марзалюка, апублікаванай у газеце «Веснік Магілёва», гадавы даход Марзалюка ў 2022 годзе склаў 104 393 рублі (паводле тагачаснага курсу прыблізна 39845 даляраў), ці 8699 рублёў (3320 даляраў) у месяц. Гэта выглядае нашмат больш, чым у іншых калегаў, бо, як раней высветліла «Люстэрка», дэпутаты Палаты прадстаўнікоў у 2022 годзе атрымлівалі ад 4566 да 5706 рублёў (ад 1743 да 2178 даляраў).
Дэпутат такога ўзроўню паводле заканадаўства не мае права сумяшчаць дэпутацкае крэсла з іншай працай (выключэнне — навуковая, творчая і педагагічная дзейнасць).
Найбольш верагодна, што Марзалюк, як былы навуковец і выкладчык, мае легальныя дадатковыя даходы. Так, напрыклад, ён уваходзіць у аўтарскія калектывы падручнікаў, якія рэгулярна перавыдаюцца, а аўтарам адпаведна налічваюцца ганарары. Магчыма таксама, што нешта можа перападаць і за частыя выступленні на тэлебачанні.
З нерухомай маёмасці Ігар Марзалюк мае дзве кватэры. Адна з іх у Мінску, агульнай плошчай 74,5 кв. м, а другая — у Магілёве, плошчай у 62,8 «квадрата».
Цяпер чытаюць
Чым цяпер займаюцца дзяўчаты, якіх летась назвалі самымі прыгожымі ў Беларусі?14
Чым цяпер займаюцца дзяўчаты, якіх летась назвалі самымі прыгожымі ў Беларусі?
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары