U sacsietkach raspaŭsiudžvajecca fejkavy zapis hołasu maci Navalnaha, na jakim jana praklinaje svaju niaviestku
Padrobku mahli zapuścić ludzi, źviazanyja ź pieršym namieśnikam kiraŭnika Administracyi prezidenta Rasii Siarhiejem Kiryjenkam.
Uvahu na aŭdyjozapis, stvorany z dapamohaj niejrasietki, źviarnuŭ hałoŭny redaktar «Pravierana. Miedyja» Illa Bier, piša «Mieduza».
Na zapisie zmadelavany hołas, jaki addalena nahadvaje hołas Ludmiły Navalnaj, pramaŭlaje nastupny tekst: «Pavažanaja Julija Barysaŭna Abrosimava (Navalnaja), zaraz ja chaču źviarnucca da vas. <…> Ja vami pahardžaju i zabaraniaju vam śpiekulavać na imieni majho syna, majho dziciaci».
Akramia taho, aŭtary padrobki abvinavacili Juliju Navalnuju ŭ nibyta «nieprystojnym» vonkavym vyhladzie na Miunchienskaj kanfierencyi pa biaśpiecy, dzie ŭdava palityka źjaviłasia praź niekalki hadzin paśla naviny ab jaho śmierci.
Bier adznačaje, što nizkaja stupień padabienstva hołasu źviazana z tym, što niejrasietku nie było na čym navučać. Z publičnych vystupaŭ Ludmiły Navalnaj jość tolki jaje zvarot da Pucina, u jakim jana patrabuje vydać joj cieła syna.
Taksama jon adznačaje, što fejk zapuściŭ bujny telehram-kanał «Sihnał» ź sietki Kryściny Patupčyk, jakaja atrymlivaje hrošy ad inicyjatyvy «Dyjałoh». «Kuryruje heta ŭsio asabista [eks-premjer] Siarhiej Kiryjenka», — napisaŭ Bier.
Alaksiej Navalny pamior tydzień tamu, 16 lutaha, u kałonii «Palarny voŭk» u Jamała-Nienieckaj akruzie. Jamu było 47 hadoŭ.
Džo Bajden sustreŭsia z žonkaj i dačkoj Navalnaha
«Nie budźcie bolš žorstkimi, čym Piłat». Pravasłaŭnyja śviatary źviarnulisia da ŭładaŭ Rasii z prośbaj addać cieła Navalnaha siamji
Stvaralnik «Navička»: Kali viersija atručvańnia pravilnaja, cieła Navalnaha naŭrad ci addaduć maci
Skarhu maci Navalnaha na niavydaču cieła syna razhledziać tolki praz dva tydni
Chrysta Hrozieŭ budzie rasśledavać hibiel Navalnaha
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia20
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary