«Nie budźcie bolš žorstkimi, čym Piłat». Pravasłaŭnyja śviatary źviarnulisia da ŭładaŭ Rasii z prośbaj addać cieła Navalnaha siamji
Pietycyja była apublikavana napiaredadni na partale «Mir usim», pad joj užo amal 300 podpisaŭ — śviataroŭ i śvieckich asob.
«My zaklikajem vas vydać siamji cieła Alaksieja Navalnaha, kab jaho maci, inšyja členy siamji i adnadumcy mahli raźvitacca ź im i zładzić jaho chryścijanskaje pachavańnie. Heta nie tolki ich žadańnie i zakonnaje prava, ale i abaviazak pierad Boham i pierad pamierłym», — havorycca ŭ pietycyi.
Navalny byŭ nie tolki apazicyjnym palitykam, ale i viernikam, pravasłaŭnym chryścijaninam, nahadvajuć padpisanty zvarotu.
«Nie azmročvajcie trahiedyju jaho hibieli admovaj u takoj prostaj i čałaviečnaj prośbie, — zaklikajuć śviatary i śvieckija vierniki, jakija dałučylisia da ich. — Admova ŭ vydačy cieła Alaksieja Navalnaha jaho siamji budzie ŭspryniata jak prajava biaźlitasnaści i biesčałaviečnaści. Hetaje rašeńnie moža pryvieści da jašče bolšaj napruhi ŭ hramadstvie».
Pietycyja zakančvajecca słovam: «Nie budźcie bolš žorstkimi, čym Piłat. Prymicie pravilnaje rašeńnie».
Stvaralnik «Navička»: Kali viersija atručvańnia pravilnaja, cieła Navalnaha naŭrad ci addaduć maci
Skarhu maci Navalnaha na niavydaču cieła syna razhledziać tolki praz dva tydni
«Dajcie mnie narešcie ŭbačyć majho syna». Maci Alaksieja Navalnaha źviarnułasia da Pucina
«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan
«Niezrazumieły kipiež u kałonii, dzie byŭ Navalny, pačaŭsia jašče ŭviečary ŭ čaćvier, a ranica piatnicy pačałasia z tatalnaha šmonu»
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy25
Kamientary