Mody1717

Błohier paraŭnaŭ francuzskuju parfumu ad Dior za 550 rubloŭ ź biełaruskim anałaham za 30. Ci znajšoŭ roźnicu?

Tyktok-błohier nabyŭ dva vizualna adnolkavyja fłakony z parfumaj. Tolki ŭ adnym ź ich byŭ suśvietna viadomy vodar Fahrenheit ad Dior, a ŭ inšym Fragrand ad biełaruskaha brenda Dilis. Roźnica ŭ košcie ŭražvaje: kala 550 rubloŭ za francuzskuju parfumu suprać 30 rubloŭ za biełaruskuju. Ci adčuŭ jon roźnicu pad čas «ślapoha teściravańnia»?

Błoh Vadzima Łapaja ŭ tyktoku pryśviečany roznaj parfumie — chłopiec niabłaha aryjentujecca ŭ vodarach roznych brendaŭ.

— Ja nabyŭ parfumu ad biełaruskaha brendu — nazyvajecca Fragrand. Heta kłon na Dior Fahrenheit. Jon abyšoŭsia mnie ŭ 28 biełaruskich rubloŭ (ale na videa z kramy bačny ceńnik 29,92 pa akcyi zamiest pieršapačatkovych 47,49. — «NN»). Davajcie jaho prateścirujem, paraŭnajem z aryhinałam i zrazumiejem, ci treba pierapłačvać.

Błohier adznačyŭ, što skapiravać dyzajn fłakona ŭ biełaruskaha vytvorcy atrymałasia amal całkam — krychu adroźnivajucca tolki nakryŭki. Dalej asistent papyrskaŭ roznaj parfumaj na dva błotary (papiarovyja pałoski-testary): francuzskaj na roŭny i biełaruskaj na zahnuty.

Skrynšot videa ŭ tyktoku Vadzima Łapaja

Jak vy dumajecie, ci atrymałasia ŭ Vadzima zrazumieć, dzie što? Ź pieršych siekund. Jon navat zaśmiajaŭsia ad taho, nakolki ŭsio prosta atrymałasia.

— Rastłumaču, u čym roźnica. Dior Fahrenheit hučyć bolš husta, bolš źbita, bolš nasyčanaja i kancentravanaja kampazicyja. Pryčym pachnie adrazu mienavita parfumiernaj kampazicyjaj.

Biełaruskaja parfuma pachnie padobna, ale vielmi doŭha hučać śpirtavyja noty. I voś heta jaje vydaje. I vodar nie taki jarki.

Viadoma, aryhinalny pachnie našmat stramčej. Kali vy zachoplenyja parfumieryjaj, to varta pierapłacić i kupić aryhinał Fahrenheit. Dla tych, chto ŭvohule nie maje paniaćcia, što takoje parfumieryja, i choča prosta ŭziać niešta, kab smačna pachnuć, dyk Fragrand za 28 rubloŭ maje davoli niadrennaje hučańnie.

Błohier kaža, što adšukać parfumu ad Dilis nieskładana: jana zvyčajna jość u kramach «Miła» i «Vostraŭ čyścini». Ale kali pahladzieć vodhuki na jaje, to bolšaść pakupnikoŭ niezadavolena ŭstojlivaściu vodaraŭ.

Za sutki rolik sabraŭ bolš za 765 tysiač prahladaŭ i bolš za 21 tysiaču łajkaŭ. A ŭ kamientaryjach, zrazumieła, pačalisia batły pamiž tymi, chto lubić aryhinały, i amatarami ekanomić.

Niechta pažartavaŭ: mocnyja śpirtavyja noty ŭ biełaruskaj parfumie dla taho, kab duchami možna było i papyrskacca, i vypić.

Kamientary17

  • Soniejka
    21.02.2024
    Kali niechta sam lubić karystacca biełaruskimi duchami - kali łaska. Ale mnie ž voś anałahičnaje łajno za 3 kapiejki lubimyja svajaki daryli. Fuuu... Vielmi niepryjemna. Asabliva kali bačyš u toj samaj Mile, što tvoj padarunak na akcyi kaštavaŭ 9 rubloŭ. Što tam naohuł u składzie moža być za hetyja hrošy?
  • babrujčanin
    21.02.2024
    U pačatku 90 ch na davalčieskam syŕje lekałach huziki u Babrujsku šyli dźla " Dyjera" płaŝi polty)) ale była nievialikaja na lipučkie " Zroblena u Biełarusi" Znajemaja z mužam na pr Kalinina Maskva u firmovaj kramie " Dior" jamu spadabałsia płaŝ ???Jana na fabrykie inžienier tiechnołah pa jakaści Pryhladajecca)) My doma ciabie 4 kupim p na vyrasi i pa koleru)) Była mahčymaść 10 % ad parcii u fabryčnaj kramie nabyć ale biez " lejbłau" )) A tutaka u 20 raz U Dielis jeść " individuał płatium " padobnyja na " ehaist płatium" ad "Chanel šaniel" .Kali " niuchači" ci " panty" to ..u 20 raz daražej samaje to.
  • Abarmot
    21.02.2024
    Piśma s miest, fłakončik bojaryšnika harmonično dopołnit lubuju kompoziciu 

Ciapier čytajuć

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Usie naviny →
Usie naviny

Kamandujučym siłami NATO ŭ Jeŭropie moža stać naščadak biełaruskich imihrantaŭ u ZŠA10

Turcyja — ad 1600 jeŭra, Jehipiet — kala 1800 dołaraŭ, i «tanny» Tajłand. Kolki kaštuje letni adpačynak z vyletam ź Minska

Vyjšaŭ «Liła i Ścič» — na dziva kranalny film, jaki vybiŭsia ŭ top pa zborach u prakacie

Vierchni horad i Rakaŭskaje pradmieście čakaje vialikaje pieraŭtvareńnie. Što źmienicca?3

Aktyvisty Greenpeace u Paryžy skrali z muzieja vaskovuju fihuru Makrona i prynieśli jaje da pasolstva Rasii1

Ukraina pačała vytvorčaść dronaŭ-pierachopnikaŭ dla zmahańnia z šachiedami1

Donald Tusk źvierniecca da Siejma z prośbaj pra votum davieru dla ŭrada

Zianon Paźniak adpraviŭ sardečnyja vinšavańni Karalu Naŭrockamu57

Uładzimir Ceśler pa-mastacku adreahavaŭ na bulbiany deficyt u Biełarusi

bolš čytanych navin
bolš łajkanych navin

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ7

«U majho 21 santymietr — dziesiać bazavych dali». Biełarusy ŭ tyktoku žartujuć z novych praviłaŭ ad čynoŭnikaŭ

Hałoŭnaje
Usie naviny →

Zaŭvaha:

 

 

 

 

Zakryć Paviedamić