Abrali kiraŭnika Biełkaapsajuza. Pryznačeńnie ŭzhadnili z Łukašenkam
Vybrańnie novaha kiraŭnika praŭleńnia Biełkaapsajuza adbyłosia 16 lutaha na ahulnym schodzie pradstaŭnikoŭ členaŭ Biełaruskaha respublikanskaha sajuza spažyvieckich tavarystvaŭ.
Staršynioj Biełkaapsajuza abrali Inesu Karatkievič, piša BiełTA.
Da hetaha jana pracavała daradcam u pasolstvie Biełarusi ŭ Armienii. Raniej, z 2017 pa 2022 hod, była namieśnikam staršyni praŭleńnia Biełkaapsajuza.
Biełkaapsajuz źjaŭlajecca najbujniejšym handlovym apierataram u krainie i naličvaje zvyš 4900 kramaŭ. Značnaja častka handlovych abjektaŭ (70%) raźmieščana ŭ sielskaj miascovaści. Taksama pracujuć 549 aŭtakramaŭ, jakija absłuhoŭvajuć 14,8 tysiač sielskich nasielenych punktaŭ (u 5,2 tys. ź jakich pražyvaje nie bolš za 10 čałaviek).
Kandydatura Inesy Karatkievič była prapanavanaja pa ŭzhadnieńni z Łukašenkam. Pra jaje pracoŭnuju dziejnaść i lidarskija jakaści na schodzie raspavioŭ pieršy namieśnik kiraŭnika Administracyi Maksim Ryžankoŭ, jaki vykazaŭ upeŭnienaść u tym, što jana spravicca z pastaŭlenymi zadačami na pasadzie kiraŭnika Biełkaapsajuza.
Ciapier čytajuć
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty8
Kamientary
Nasieleny punkt, dzie ja z B-žaj miłaści vočy raspluščyŭ -- Capra.
Ja jašče čakaŭ pasadki ŭ aŭtobus Minsk-Kleck, a mnie ŭžo nazvańvaŭ tamašni ŭčastkovy.
Mienavita jon pryniaŭ samy niepasredny ŭdzieł u abiastočvańni chaty majho dzieda.
U Capry sapraŭdy žyvuć ludzi čałavieka. Sam čałaviek -- u Klecku. Učastkovy chvaliŭsia, što trajuradnaja siastra jaho baćki "sažycielstvavała" z čałaviekam.
Cytata:
-- Achmiet, ja ščetaju, bolš zrabiŭ dla Biełarusi, čym hetyja biełarusy...durnyja.
Ci karystajecca čałaviek aŭtałaŭkaju, ja nie viedaju. Čałaviek "kartoškaj zanimałsia". Klecki rajon -- RF, Maskva.