«Naša Niva» paviedamlała pra masavyja aryšty ŭ Departamiencie finansavych rasśledavańniaŭ. Našy surazmoŭcy raskryli schiemu, pa jakoj staršyja aficery rabili sabie kapitały na ślazach pradprymalnikaŭ, padstaŭlajučy pry hetym svaich ža małodšych supracoŭnikaŭ.
Sa spasyłkaj na infarmavanyja krynicy my paviedamlali pra toje, što ŭ Minsku razhortvajecca «sprava DFR», u ramkach jakoj KDB aryštavaŭ dva dziasiatki aficeraŭ z centralnaha aparatu i ŭpraŭleńnia pa Minsku i Minskaj vobłaści.
Čytajcie taksama: KDB aryštavaŭ bolš za 20 aficeraŭ DFR — pad čystki trapili i antyhieroi 2020-ha
Ciapier «Našaj Nivie» stanoviacca viadomyja niekatoryja abstaviny maštabnaj spravy ab karupcyi.
Akazvajecca, načalniki minskaha DFR padstaŭlali svaich małodšych aficeraŭ u mudrahielistaj schiemie pa kryminalnym uzbahačeńni.
«Inśpiekcyja Ministerstva pa padatkach i zborach płanava praviaraje niejkaje pradpryjemstva na pradmiet spłaty padatkaŭ. I kali heta firma ź vialikimi abarotami, a padatkavikam lanotna samim usio ličyć, to jany mohuć pieradać pravierku ŭ DFR dla vyznačeńnia, ci ŭchilałasia kampanija ad spłaty padatkaŭ», — apisvaje naš surazmoŭca tyja normy zakonu, jakija zrabili schiemu mahčymaj.
«I «biznes» načalnikaŭ minskaha DFR byŭ u tym, kab u takoj situacyi pasłać na praviadzieńnie pravierki maładych supracoŭnikaŭ DFR, daŭšy papiaredni instruktaž.
Pa fakcie atrymlivałasia tak, što lejtenanty i staršyja lejtenanty aryštoŭvali rachunki takoj kampanii, dakładna viedajučy, što ŭ jaje ŭsio čysta i što pravierka skončycca biez zaviadzieńnia kryminalnaj spravy. Paśla hetaja moładź rabiła ŭłaśniku biznesu prapanovu — za hrošy źniać aryšt z rachunkaŭ i «skončyć pravierku biez nastupstvaŭ».
Vystaŭlenyja biznesmienam rachunki składali niekalki dziasiatkaŭ tysiač dalaraŭ. Zvyčajna jany apłačvalisia.
Ale znajšoŭsia čałaviek, jakomu zdalisia nachabstvam apietyty niejkich tam lejtenantaŭ. Jon byŭ upeŭnieny, što pa ŭsich frantach čysty, i pajšoŭ z zajavaj u KDB.
Lejtenantaŭ pabrali, i jany stali pryznavacca. Tak vyjšli na tych, chto ich nakiroŭvaŭ i chacieŭ imi prykrycca, prymajučy pa fakcie asnoŭnuju častku adkupnych», — dadaŭ infarmavany surazmoŭca.
Pryznačyli novaha kiraŭnika DFR
Ministr, asudžany za chabar na 7,5 hoda, vierahodna, vyjšaŭ praz paŭtara — Biełsat
«Bananavy karol» Zacharaŭ zarubiŭsia z DFR i šle Kačanavaj pakajannyja listy, nazyvajučy apazicyju «žopazicyjaj»
«KDB, MUS — my ŭsiudy byli». Pradprymalniki raskazali, ź jakimi prablemami sutykajucca i jakija plusy bačać
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary
Tamu čym bolš unutry łukašysckaj karnaj sistemy budzie žabahadziukinha - tym lepš. A biznesu varta pamiatać - nielha inviestavać u dyktaturu.