«Nieadnarazova pryciahvaŭsia da administracyjnaj adkaznaści». Situacyju na rybakansiervavym kambinacie prakamientavała i Minpracy
U Ministerstvie pracy i sacyjalnaj abarony śledam za minskimi ŭładami taksama prakamientavali situacyju ź niavypłataj zarobkaŭ na TAA «Rybakansiervavy kambinat «Staličny».
Pa słovach dyrektara Departamienta dziaržaŭnaj inśpiekcyi pracy Alaksandra Siemiča, kiraŭnik hetaj arhanizacyi «nieadnarazova pryciahvaŭsia da administracyjnaj adkaznaści».
«Častkova heta pryniesła svaje vyniki: častka zapazyčanaści pa zarobkach pierad rabotnikami likvidavanaja. Adnak my razumiejem, što prablema da hetaha času nie vyrašana ŭ poŭnym abjomie.
U hetaj suviazi situacyja znachodzicca pad pastajannym kantrolem jak Departamienta dziaržaŭnaj inśpiekcyi pracy, tak i inšych orhanaŭ kiravańnia, miascovych vykanaŭčych orhanaŭ. Prymajucca ŭsie nieabchodnyja miery, kab najmalnik vykanaŭ usie svaje abaviazacielstvy pierad kožnym rabotnikam pa likvidacyi zapazyčanaści pa vypłacie zarobkaŭ», — zajaviŭ jon.
Pierad hetym supracoŭniki kambinata «Staličny» zapisali zvarot da Alaksandra Łukašenki, dzie narakali, što piać miesiacaŭ nie atrymlivali zarobku, a z 8 studzienia naohuł znachodziacca ŭ prastoi. Situacyju ŭžo kamientavaŭ staršynia Kastryčnickaha rajona Minska Hienadź Lubatynski, jaki zapeŭniŭ, što «ŭ najbližejšy čas rašycca pytańnie, kab u poŭnaj miery vypłacić ludziam zaroblenyja hrošy».
«Rybakansiervavy kambinat «Staličny» — pryvatnaje pradpryjemstva, jakoje z 2022 hoda aranduje vytvorčyja płoščy i abstalavańnie ŭ kamunalnaha pradpryjemstva AAT «Biełryba».
Čytajcie taksama:
Minskija ŭłady zapeŭnivajuć, što trymajuć situacyju z zarobkami na rybakambinacie na kantroli
Aktyvistki «Ruchu maci — 328» sabrali bolš za paŭtysiačy podpisaŭ za amnistyju dla zakładčykaŭ
Ciapier čytajuć
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ20
Jak vyhladaje stylovy dom novaj rektarki Akademii mastactvaŭ koštam paŭmiljona dalaraŭ
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii1212
Kamientary