Palitviaźniu Jaŭhienu Afnahielu, adnamu z zubroŭ nacyjanalnaha ruchu, spoŭniłasia 45 hadoŭ
Čaćvierty zapar dzień narodzinaŭ hramadski dziejač sustrakaje za kratami.
Jaŭhien pryjšoŭ u nacyjanalny ruch u kancy 1990-ch. Jon byŭ kaardynataram «Jeŭrapiejskaj Biełarusi», byŭ adnym sa stvaralnikaŭ i aktyŭnym udzielnikam apazicyjnaha ruchu «Zubr». Za svaju vyklučna mirnuju apazicyjnuju publičnuju dziejnaść nieadnarazova padviarhaŭsia represijam z pačatku 2000-ch: štrafam, administratyŭnym aryštam, źbićciu, zapałochvańniam i cisku.
Paśla padziejaŭ 2010 h. Jaŭhien praciahły čas byŭ vymušany znachodzicca ŭ emihracyi, ale viarnuŭsia ŭ vyniku ŭ Biełaruś, dzie praciahnuŭ aktyŭnuju palityčnuju dziejnaść.
Jaŭhien byŭ zatrymany 25 vieraśnia 2020 hoda ŭ miežach kryminalnaj spravy pa č. 2 art. 293 Kryminalnaha kodeksa («Udzieł u masavych biesparadkach»). Siłaviki vyłamali dźviery ŭ kvatery, dzie jon pražyvaŭ.
25 maja 2021 hoda ŭ Mahiloŭskim abłasnym sudzie abviaścili prysud pa kryminalnaj spravie suprać siami palitviaźniaŭ: sustaršyni arhkamitetu pa stvareńni partyi Biełaruskaja chryścijanskaja demakratyja Paŭła Sieviarynca, błohiera Źmitra Kazłova, hramadskaj aktyvistki Iryny Ščasnaj, aktyvistaŭ «Jeŭrapiejskaj Biełarusi» Jaŭhiena Afnahiela, Paŭła Juchnieviča, Maksima Viniarskaha i Andreja Vojniča.
Palitviaźniaŭ abvinavacili ŭ padrychtoŭcy da ŭdziełu ŭ masavych biesparadkach pa č. 1 art. 13 i č. 2 art. 293 Kryminalnaha kodeksa, a Afnahiela i Vojniča — jašče pa č. 3 art. 293 KK. Jaŭhiena Afnahiela asudzili da 7 hadoŭ kałonii ŭzmocnienaha režymu.
Na Jaŭhiena nieadnarazova cisnuli ŭ kałonii.
U krasaviku 2022 hoda sudździa Iryna Žarova pastanaviła pieravieści jaho na turemny režym na 2 hady.Palitviaźnia pieraviali z PK №1 u mahiloŭskuju turmu № 4.
Viadoma, što za čas u źniavoleńni ŭ Jaŭhiena sapsavaŭsia zrok, tamu ciapier jon vymušany nasić akulary. Za kratami jon šmat čytaje i maluje. Telefanavańni jamu dazvolenyja tolki raz na miesiac.
Dźmitryj Bandarenka: Asensavaŭ siabie aficeram biełaruskaha supracivu
«Adčuvaŭ, što Łukašenka nie pakinie tatu žyvym». Pavieł Marynič — pra dziacinstva z Šaramietam i Prakopjevym, baćku-ministra i «Małanku»
Aktyvista Jaŭhiena Afnahiela adpravili ŭ karcar. Praz heta 87-hadovaja maci palitviaźnia siońnia nie trapiła da jaho na spatkańnie
Palitviaźnia Jaŭhiena Afnahiela pieravodziać na dva hady ŭ «krytuju» turmu
Ciapier čytajuć
U Ofisie Cichanoŭskaj pracuje vykładčyk z Danii. Jon raskazaŭ, čamu kinuŭ kamfortnaje žyćcio i zaniaŭsia biełaruskaj spravaj16
Kamientary
Jon usie hetyja čatyry hady siadzić bieź pieradač?