Chto b čakaŭ takich tendencyj? Bolšaść moładzi kładziecca spać a 9-j viečara, śpić dzieviać hadzin
Razhulny ład žyćcia, načnyja kłuby i ŭpiski bolš nie ŭ modzie.
Voś i skončyŭsia čas papularnaści razhulnaha ładu žyćcia. Kali nadychodzić viečar, moładź čaściej za ŭsio vybiraje pačytać knižku i zasnuć. Tak, prynamsi, u ZŠA — a amierykanskija trendy čaściej za ŭsio raspaŭsiudžvajucca na ŭvieś śviet.
Siońnia ludzi ad 18 da 35 hadoŭ kažuć, što jany razumiejuć suviaź pamiž snom i zdaroŭjem i adčuvajuć doŭhaterminovyja i karotkaterminovyja pieravahi doŭhaha spańnia. Moładź taksama śćviardžaje, što znachodzić zadavalnieńnie ŭ tym, kab trymacca svaich ulubionych viačernich rytuałaŭ i admaŭlacca ad poźniaj viačery.
Jak piša WSJ, zhodna z danymi apytańnia, praviedzienaha RentCafe, u 2022 hodzie moładź da 20 hadoŭ paviedamiła, što śpić u siarednim 9 hadzin 28 chvilin. Heta na 8% bolš, čym 8 hadzin i 47 chvilin, jakija, pavodle ich słoŭ, jany spali ŭ 2010 hodzie. U ludziej, jakim 30 i 40 hadoŭ, nazirałasia mienšaje pavieličeńnie.
Viečarynka, ale pry dzionnym śviatle
Zamiest taho kab u vychadnyja ciahacca pa barach da śvitanku, moładź usio čaściej addaje pieravahu imprezam a 5-j i a 6-j viečara. Niekatoryja kažuć, što heta ekanomić im sotni dalaraŭ na ježy i napojach, jakija jany nabyvajuć, kali baviać čas u barach da samaha rańnia.
Heta ŭpłyvaje i na pracu ŭstanoŭ: u ZŠA kolkaść braniravańniaŭ u pieryjad z 18 hadzin da paŭnočy skaraciłasia, tady jak braniravańnie z 16-ci da 18-ci zaraz składaje 31%.
Taksama źjaviłasia šmat dzionnych imprez, siarod jakich «ranišniki» z nahody Chełoŭina (jaki zvyčajna śviatkujecca ŭnačy) i rańniaja sustreča Novaha hoda — kali ŭdzielniki prychodziać a 8-j, kab paśla adrazu paśla poŭnačy nakiravacca ŭ bok łožka.
Novy trend
Dla niekatorych pradstaŭnikoŭ moładzi mahčymaść rana kłaścisia spać aznačaje taksama admovu ad mituśni sučasnaj kultury i pryznańnie taho, što dzieviać hadzin na adpačynak — heta nie lanota, a patreba tvajho arhanizma.
«Ja zaŭsiody dumała, što praz svaju patrebu ŭ śnie vyhladaju lanivaj, i sprabavała zmahacca z hetym», — kaža 32-hadovaja Kieli Baskin, aktrysa ahučvańnia z Łos-Andželesa.
Siońnia jana imkniecca kłaścisia spać z 8 da 9 hadzin viečara i śćviardžaje, što matyvavać siabie da takoj tradycyi joj dapamahła destyhmatyzacyja rańniaha adychodu da snu ŭ sacyjalnych sietkach.
Havorka pra trend #SoftGirl u tyktoku, jaki kultyvuje pavolnuju chatniuju aktyŭnaść, takuju jak viadzieńnie dziońnika, pićcio harbaty ci zaspakajalnyja rytuały pierad snom. Videaroliki z hetym chešteham u tyktoku prahledžanyja ahułam 2,9 miljarda razoŭ.
Miedykaŭ ciešyć, što ŭsio bolš ludziej surjozna staviacca da svajho snu, ale časam ludzi robiać heta zanadta surjozna. «Jany stanoviacca krychu nieŭrotykami z hetaj nahody», — źviartaje ŭvahu kiraŭnik prahramy kliničnych daśledavańniaŭ parušeńniaŭ snu ŭ Masačusieckaj balnicy ŭ Bostanie Džon Vinkielman.
Jon pryznaje pieravahi nie nadta poźniaha, a hałoŭnaje — rehularnaha adychodu da snu, ale nie bačyć niejkaj zvyškaryści ŭ tym, kab kłaścisia spać raniej uvieś čas — «tolki kali vam nie treba ŭstavać a 3-j hadzinie nočy».
Čytajcie taksama:
Vyvučeńnie snoŭ: navukoŭcy adkryvajuć novyja kanały suviazi sa śpiačymi ludźmi
Nad šerym kardynałam Nacbanka zhuścilisia chmary? Zatrymali jaho siabra, byłoha vykanaŭčaha dyrektara Banka raźvićcia6
Kamientary