Były kapitan zbornaj Anhlii, lehienda «Livierpula» i ŭładalnik dvuch «Załatych miačoŭ» Kievin Kihan pamior va ŭzroście 75 hadoŭ. U pačatku hoda ŭ jaho dyjahnastavali rak straŭnika čaćviortaj stadyi.
«Z hłybokim smutkam paviedamlajem, što Kievin Kihan pamior va ŭzroście 75 hadoŭ. U apošnija chviliny pobač ź im byli žonka i dočki», — havorycca ŭ zajavie siamji, pieradadzienaj telekanału Sky UK.
Kihan byŭ adnoj z hałoŭnych zorak u historyi «Livierpula». Za kłub jon pravioŭ 322 matčy, u jakich zabiŭ 100 hałoŭ, i trojčy stanaviŭsia čempijonam Anhlii.
U 1977—1980 hadach futbalist vystupaŭ za niamiecki «Hamburh», ź jakim vyjhraŭ čempijanat FRH. Mienavita ŭ hety pieryjad Kihan dvojčy atrymaŭ prestyžnuju ŭznaharodu «Załaty miač» — u 1978 i 1979 hadach jon pryznavaŭsia najlepšym futbalistam Jeŭropy.
Paśla zaviaršeńnia hulniavoj karjery Kihan pracavaŭ trenieram. Jon uznačalvaŭ «Ńjukasł Junajted», «Fułchem», «Mančester Sici», a taksama zbornuju Anhlii.
Fanaty «Livierpula» i «Hamburha» nazyvali jaho «Karol Kieŭ» i «Mahutnaje myšania». Kihan zastaŭsia ŭ historyi futboła jak adzin z samych jarkich anhlijskich hulcoŭ svajho pakaleńnia.
Kamientary