Vystavu da jubileju Bykava zhortvajuć praz 10 dzion paśla adkryćcia
Ekspazicyju da 100-hodździa narodnaha piśmieńnika płanavali pakazvać u Dziaržaŭnym muziei historyi biełaruskaj litaratury da 5 maja, ale pieradumali. Jana pratrymałasia tolki 10 dzion.
Zhornuć jaje 5 lutaha. Pra heta stała viadoma čytaču «Našaj Nivy», jaki telefanavaŭ u muziej daviedacca pra čas pracy vystavy.
«Sami dumali, što budzie daŭžej, ale tak vyjšła», — patłumačyli jamu, nie nazyvajučy pryčynaŭ dla daterminovaha zakryćcia vystavy.
Časovuju ekspazicyju «Žyćcio praz abrysy i linii», prymierkavanuju da 100-hodździa z dnia naradžeńnia Vasila Bykava, adkryli 25 studzienia.
Admietnaść vystavy ŭ tym, što jana maje nie tolki dakumientalna-litaraturny składnik, ale i adkryvaje piśmieńnika jak mastaka.
Siarod artefaktaŭ, naprykład, namalavanaja schiema padklučeńnia stacyjanarnaha kampjutara — jakimi dratami padklučajucca manitor, pryntar, kłavijatura i inšyja pryłady.
U ekspazicyi pradstaŭlena bolš za 70 hrafičnych i žyvapisnych rabot Vasila Bykava. Heta jaho zamaloŭki krajavidaŭ, chat, padvorkaŭ z časoŭ dziacinstva, a taksama ŭspaminy ab vajnie, vypadki z žyćcia, samairaničnyja nakidy, zasvajeńnie aŭtamabilnaj spravy, budaŭnictva dačy ŭ Ždanovičach.
U knizie ŭspaminaŭ «Doŭhaja daroha dadomu» Vasil Bykaŭ pisaŭ: «Vyjaŭlenčaje mastactva ŭvajšło ŭ maju dušu z malunkaŭ, knižnych ilustracyj. Asabliva zachaplali hraviury ŭ starych knihach Žula Vierna dy inšych».
Vasil Bykaŭ naradziŭsia 19 červienia 1924 hoda. Pa skančeńni 8 kłasaŭ Kublickaj siaredniaj škoły budučy piśmieńnik pastupiŭ u Viciebskuju mastackuju vučelniu. Adnak uvosień 1940 hoda praź niedachop hrošaj i admienu dziaržaŭnych stypiendyj pakinuŭ navučańnie.
Paśla vajny i demabilizacyi ŭ 1947-m Bykaŭ pryjechaŭ u Minsk, dzie znoŭ płanavaŭ pastupić u mastackuju vučelniu. Ale ŭ vyniku trapiŭ u Hrodna, dzie niekatory čas pracavaŭ u mastackich majsterniach.
***
Vasil Bykaŭ kazaŭ pra režym Łukašenki, što «krainaj kiruje chunta». Dahetul Bykaŭ usprymajecca łukašenkaŭcami jak čužarodny. Biełarusy ž ličać Bykava sumleńniem nacyi. Na jaho pachavańnie ŭ 2003 hodzie pryjšli tysiačy suajčyńnikaŭ.
«Naša Niva» — bastyjon biełaruščyny
PADTRYMAĆHladzicie taksama:
Rada BNR zaklikaje šyroka adznačyć 100-hodździe Vasila Bykava
Kolki sioleta tracili na viasielli ŭ Biełarusi? Sabrali realnyja ličby tych, chto pabyvaŭ u ZAHSie6
Kamientary