Hetaja tema stała najhałoŭnaj napačatku 2010 h.
Nieparazumieńni pamiž Rasijaj i Biełaruśsiu ŭ spravie koštaŭ na naftu vyklikali cikavaść z boku zamiežnych srodkaŭ masavaj infarmacyi.
«The Wall Stret Journal» piša, što «Rasija źjaŭlajecca asnoŭnym sajuźnikam i sponsaram Biełarusi, ale adnosiny pamiž dvuma byłymi savieckimi respublikami stanoviacca ŭsio bolš napružanymi praź finansavyja pryčyny. Kabiniet ministraŭ Biełarusi zajaviŭ u niadzielu, što nie zmoh damovicca ab umovach ekspartu nafty i nazvaŭ patrabavańni Maskvy supiarečačymi pahadnieńniam ab Mytnym sajuzie, jaki byŭ stvorany ŭ kancy minułaha hoda. Biełaruski urad taksama zajaviŭ ab «biesprecedentnym cisku» na biełaruskuju delehacyju z boku Rasii, nazvaŭšy heta «absalutna nieprymalnym».
Polskaja «Gazeta Wyborcza» taksama źmiaściła materyjał pad nazvaj «Rasija karaje Biełaruś mytami na naftu».
«Rasija choča pastaŭlać biez apłaty myta tolki naftu dla ŭnutranych biełaruskich patrebaŭ, a heta 25% ahulnaj kolkaści syraviny, jakuju Rasija pastaŭlaje ŭ Biełaruś – rešta paśla pieraapracoŭki traplaje na Zachad» – piša «Gazeta Wyborcza». U nastupnym artykule na hetuju temu – «Biełaruś zmahajecca z Rasijaj za tanuju naftu. Ci nie pacierpiać polskija vytvorcy?» – polskaja hazieta piša, što
«novyja prapanovy Rasii źniščyli ŭsie damovy pa stvareńni supolnaj mytnaj prastory. Sproba vyvieści enierhietyčnuju halinu z-pad jurysdykcyi Mytnaha sajuza ŭ značnaj miery padryvajuć damovy ab intehracyi».
Biełaruska-rasijski naftavy kanflikt navat paŭpłyvaŭ na košty syraviny na suśvietnych rynkach. Ab hetym paviedamlaje AFP. Košty na naftu marki WTI z pastaŭkaj praź miesiac u sistemie elektronnych tarhoŭ na amierykanskaj biržy NYMEX 4 studzienia pieraadoleli adznaku ŭ 80 dalaraŭ za barel, što na 73 centa bolš, čym pa vynikach apošniaj siesii 2009 hoda.
-
«Biełaruś — pryhožaja, čystaja, ale jaje dušać kirzavyja boty». Biełaruski paviljon u Vieniecyi staŭ siensacyjaj
-
Ty ruskamoŭny čałaviek śvietu ci ty čałaviek biełaruski? Kiejs Nasty Rahatko
-
«Vałasy dybaram». U jutubie źjavilisia videaroliki pa historyi Biełarusi, ad pačatku da kanca napisanyja štučnym intelektam
Ciapier čytajuć
«Ja dumaŭ, mianie nie moža ničoha ździvić». Na fudkorcie ŭ minskim HC zrabili płatnyja stały3
Kamientary