Vyjšła kniha «Uvodziny ŭ fiłasofiju» źniavolenaha Uładzimira Mackieviča
Vydaviectva «Januškievič» vypuściła knihu «Uvodziny ŭ fiłasofiju» Uładzimira Mackieviča, zasnavanuju na cykle lekcyj, jakija palitviazień Uładzimir Mackievič pračytaŭ 15 hadoŭ tamu.
Idei, razvažańni i prablemy, jakija prahučali ŭ ich, šmat hadoŭ natchniali tych, chto stavić sabie zadaču «Dumać Biełaruś», i, narešcie, stenahramy lekcyj stali knihaj.
«Vviedienije v fiłosofiju» Uładzimira Mackieviča — heta «redki dla Biełarusi i, u cełym, dla hetaha akademičnaha žanru, prykład fiłasofii «ad pieršaj asoby».
Aŭtar nie zajmaje dydaktyčnuju dystancyju, kab raskazać pra fiłasofiju jak śfieru viedaŭ. Jaho razvažańnie i jość aryhinalnaje fiłasofstvavańnie, jakoje akreślivaje pole, mety i ŭmovy svajho isnavańnia. Heta i robić knihu zajmalnaj i ŭ dobrym sensie intryhujučaj», — tak adhuknułasia pra knihu doktar fiłasofii Taćciana Ščytcova.
Knihu možna nabyć na sajtach Knihauka.com i Allegro.pl.
Uładzimira Mackieviča zatrymali 4 žniŭnia 2021 hoda. U červieni 2022 hoda jaho asudzili na piać hadoŭ kałonii ŭzmocnienaha režymu pa artykułach 342 Kryminalnaha kodeksa (arhanizacyja i padrychtoŭka dziejańniaŭ, što hruba parušajuć hramadski paradak, albo aktyŭny ŭdzieł u ich), art. 368 (abraza Łukašenki), art. 361-1 (stvareńnie ekstremisckaha farmavańnia abo ŭdzieł u im).
13 lutaha 2023 hoda ŭ sudzie Škłoŭskaha rajona adbyŭsia sud pa zamienie Uładzimiru Mackieviču režymu ŭtrymańnia na bolš žorstki. U vyniku jaho pieraviali ŭ mahiloŭskuju Turmu № 4.
14 maja jamu spoŭnicca 68 hadoŭ.
Cichanoŭskaja zarehistravała fond na imia asudžanaha fiłosafa Uładzimira Mackieviča? Kaniečnie, fejk
«Treba navučycca žyć raślinnym žyćciom». Fiłosaf Uładzimir Mackievič pieranios u turmie apieracyju
«Piša, ale na volu ničoha pieradać nie moža». U źniavolenaha Uładzimira Mackieviča ŭ turmie źjavilisia prablemy sa zdaroŭjem
Kamientary