Cichanoŭskaja zarehistravała fond na imia asudžanaha fiłosafa Uładzimira Mackieviča? Kaniečnie, fejk
U praŭładnych telehram-kanałach źjaviłasia infarmacyja ab tym, što Abjadnany pierachodny kabiniet zarehistravaŭ niejki fond na imia Mackieviča. Adnak łukašenkaŭskija prapahandysty nie źviarnuli ŭvahi (ci nie zachacieli) na imia.
Łukašenkaŭskija prapahandysty chvalacca tym, što raskryli «čarhovuju afioru» Abjadnanaha pierachodnaha kabinieta. U krasaviku 2023 hoda Kabiniet zarehistravaŭ adnajmienny fond. Jak vynikaje z bazy danych, skryn jakoha pryvodziać prapahandysty, staršynioj praŭleńnia fondu zjaŭlajecca Valer Mackievič — kiraŭnik aparatu Abjadnanaha pierachodnaha kabinieta.
Jak my raniej pisali, Valeryju 40 hadoŭ. Jon z Babrujska, dzie jašče ŭ kancy 1990-ch stvaryŭ filiju «Maładoha frontu». U 2012 hodzie adyšoŭ ad palityki i zaniaŭsia pradprymalnictvam. U 2020-m dałučyŭsia da vybarčaha štabu Valeryja Capkały. A ŭvosień taho ž hoda źjechaŭ ź Biełarusi.
Ale prapahandysty nie stali vyśviatlać, pra jakoha Mackieviča idzie havorka. Zamiest hetaha jany zajavili:
«Cichanoŭskaja zarehała čarhovy fond na Valeryja Mackieviča. Tak, taho samaha «filoziafa», jaki siadzić na narach z 2021 hoda za biesparadki i kiraŭnictva ekstremisckim farmavańniem».
Sapraŭdy, fiłosaf i hramadska-palityčny dziejač Mackievič u žniŭni 2021 hoda byŭ aryštavany KDB, a ŭ červieni 2022 hoda asudžany da piaci hadoŭ kałonii ŭzmocnienaha režymu. Ale jaho imia Uładzimir. Zrazumieła, što Uładzimir Mackievič nie maje nijakaha dačynieńnia da zasnavanaha fondu.
Čytajcie jašče:
Fejkamiot Prydybajła stralaje chałastymi — repościć «hołuju viečarynku ŭ štabie BNF»
Fejkavyja akaŭnty ad imia Ofisa Cichanoŭskaj źbirajuć danyja biełarusaŭ nibyta dla novych pašpartoŭ
Ciapier čytajuć
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?6
Što aznačaje źjaŭleńnie vychadcaŭ ź Biełarusi ŭ rasijskim śpiecpadraździaleńni dla asabliva važnych apieracyj i tajnych zabojstvaŭ?
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju3030
Kamientary