Tramp nanios vyrašalny ŭdar u Ńju-Hempšyry. Ale Niki Chejli abiacaje nie zdavacca
Były prezident ZŠA Donald Tramp pieramahaje na respublikanskich prajmieryz u štacie Ńju-Hempšyr, nabirajučy bolš za 54% hałasoŭ.
Takim čynam, Tramp atrymlivaje nie mienš za 11 hałasoŭ respublikanskich delehataŭ, a jahonaja supiernica Niki Chejli — nie mienš za šeść. Usiaho ŭ respublikancaŭ 22 delehaty ŭ Ńju-Hempšyry, piša Bi-bi-si.
Čakałasia, što ahułam u hałasavańni voźmie ŭdzieł bolš za 300 tysiač čałaviek.
Kančatkovyja vyniki, u tym liku źviestki pa jaŭcy, stanuć viadomyja paźniej.
Niki Chejli padčas vystupu pierad prychilnikami pavinšavała Donalda Trampa ź pieramohaj, skazaŭšy: «Jon zasłužyŭ jaje, i ja chaču heta pryznać».
Pry hetym jana zajaviła pra namier praciahvać baraćbu.
«Ńju-Hempšyr — pieršy, ale nie apošni. Hetaja honka jašče dalokaja ad zaviaršeńnia. Napieradzie dziasiatki štataŭ».
Chejli z uśmieškaj adznačyła, što nastupny etap projdzie ŭ jaje rodnym štacie Paŭdniovaja Karalina, dzie jana dva terminy zajmała pasadu hubiernatarki.
Donald Tramp raźmiaściŭ niekalki pastoŭ u svajoj sacsietcy Truth Social, u jakich nazvaŭ Niki Chejli «adarvanaj ad realnaści» i zajaviŭ pra svaju pieramohu.
«Chejli skazała, što pavinna pieramahčy ŭ Ńju-Hempšyry. JANA NIE PIERAMAHŁA!!!»— napisaŭ jon.
Paśla hetaha Tramp vystupiŭ pierad prychilnikami ŭ horadzie Našua i zajaviŭ, što ŭ Niki Chejli «była vielmi drennaja noč», ale jana «ŭsio jašče chodzić vakoł i robić pieramožnyja koły, niahledziačy na projhryš».
«Jana zrabiła vyhlad, što vyjhrała Ajovu», — skazaŭ jon. — Ja azirnuŭsia i spytaŭ: chiba jana nie zaniała treciaje miesca?»
Tramp taksama abrynuŭsia na dziejnaha prezidenta Džo Bajdena, zajaviŭšy, što toj nibyta nie moža skłaści dva skazy abo samastojna syści sa sceny.
«Kali my nie pieramožam, hetaj krainie kaniec», — zajaviŭ jon.
Pradstaŭniki kampanii Bajdena, kamientujučy vyniki prajmieryz, zajavili, što ruch MAGA (Make America Great Again — Zrobim Amieryku vialikaj — słohan kampanii Trampa) zaviaršyŭ zachop Respublikanskaj partyi».
«Tramp prapanuje amierykancam toj ža samy ekstremalny paradak dnia, jaki kaštavaŭ respublikancam vybaraŭ za vybarami: abiacaje padarvać amierykanskuju demakratyju, uznaharodzić bahatych za košt siaredniaha kłasa i zabaranić aborty va ŭsioj krainie», — havorycca ŭ zajavie.
Tramp nanosić vyrašalny ŭdar u Ńju-Hempšyry
Entani Zurkier, karespandent Bi-bi-si ŭ Paŭnočnaj Amierycy:
Pieramoha Donalda Trampa ŭ Ńju-Hempšyry aznačaje, što honka za prezidenckuju naminacyju ŭ Respublikanskaj partyi blizkaja da zaviaršeńnia — navat kali jaho adzinaja supiernica, što zastałasia, Niki Chejli pakul nie hatovaja sastupić.
Były prezident užo pieramoh u Ajovie ź vialikim adryvam, i najbližejšyja štaty ŭ kalendary respublikanskich prajmieryz schilajucca ŭ jaho bok macniej, čym Ńju-Hempšyr. Marš Trampa da naminacyi nieŭzabavie pieratvorycca ŭ bieh.
Ci padabajecca heta amierykanskim vybarščykam, ci nie (a apytańni pakazvajuć, što ŭ asnoŭnym nie), ale ZŠA tolki što zrabili jašče adzin vialiki krok da matča-revanšu pamiž Trampam i Bajdenam u listapadzie.
Ciapier čytajuć
Ułady Hrodna paviedamili pra vychad z ładu liŭnioŭki pad udaram stychii1
Kamientary
Mienavita Tramp uvioŭ sankcyi suprać rasiejskich hazapravodaŭ u Jeŭropu.
Sankcyi hetyja źniaŭ Bajden, kali byŭ vybrany prezidentam.
Padtrymka Ukrainy zaležyć ad vybarščykaŭ ZŠA. Adzinaasobna nijaki prezident jaje nie spynić, o Kanhres ZŠA pieravažna padtrymlivaje pradstaŭleńnie dapamohi.
A idyjoty, jakija za 4 hoda tak i nie zrazumieli, chto taki Bajden, niachaj pišuć i dalej. Ich užo nie pierakanać.
A Błoh Našaniva, jaki daŭno zrabiŭ staŭku na dempartyju i palivaje brudam Trampa, niachaj rychtujecca da taho, što finansavać "hazetu" buduć čytačy)))