U ZŠA aficyjna startavała pieradvybarčaja honka. Tradycyjna pieršym pieradvybarčaja kampanija prachodzić u štacie Ajova, jaki mieścicca u samym sercy krainy.
Kandydat ad Respublikanskaj partyi Donald Tramp vyjhraŭ kokusy ŭ Ajovie — pieršy etap unutrypartyjnaha hałasavańnia na prezidenckich vybarach.
Pa vynikach padliku 95 pracentaŭ hałasoŭ (bolš za 100 tysiač čałaviek brali ŭdzieł) Tramp nabiraje 51% hałasoŭ. Jon lidziruje ŭ 98 z 99 akruh štata.
Druhoje miesca zajmaje hubiernatar Fłarydy Ron Desancis, jakoha padtrymali 21,1% respublikancaŭ štata. Niki Chejli, byłaja ambasadarka ZŠA ŭ AAN i eks-hubiernatar Paŭdniovaj Karaliny, idzie treciaj z 19,1% hałasoŭ, piša New York Times.
Dalej užo buduć prajmieryz u roznych štatach. Klučavymi stanuć prajmieryz 5 sakavika — tak zvany «supieraŭtorak», bo jany projduć u 15 štatach. Apošnija prajmieryz projduć u červieni.
Źjezd prychilnikaŭ Respublikanskaj partyi, na jakim aficyjna nazavuć kandydata ad partyi, projdzie ŭ lipieni. U demakrataŭ źjezd projdzie ŭ žniŭni.
***
Prezidenckija vybary ŭ ZŠA adbuducca 5 listapada. Ad Demakratyčnaj partyi budzie bałatavacca, chutčej za ŭsio, Džo Bajden.
Tramp byŭ kiraŭnikom dziaržavy ŭ sa studzienia 2017 — pa studzień 2021 hoda (aficyjna prezidencki termin pačynajecca 20 studzienia paśla inaŭhuracyi). U vypadku pieramohi na vybarach jon stanie druhim u historyi prezidentam, jaki pieramoh na vybarach ź pierapynkam na kadencyju inšaha kiraŭnika. U 1885—1889 i 1893—1897 hadach takim prezidentam byŭ Hrovier Kliŭlend.
Vybary ŭ ZŠA nazyvajuć hałoŭnaj palityčnaj padziejaj u śviecie ŭ 2024 hodzie.
Ciapier čytajuć
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam4
Maskvička raspaviała, jak razam z žanichom ledź nie zahinuła ŭ avaryi pa darozie na svajo viasielle ŭ siadzibie pad Łahojskam
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ66
Kamientary