Na Minskaj kalcavoj darozie źjavilisia biłbordy z pahrozami ad siłavikoŭ FOTAFAKT
Na Minskaj kalcavoj aŭtadarozie zaŭvažyli «sacyjalnuju rekłamu», u jakoj siłaviki aścierahajuć kiroŭcaŭ i ich pasažyraŭ ad materyjalnaj padtrymki tych, chto patrabuje dapamohi, piša «Radyjo Svaboda».
Kampanija pa pieraśledu ludziej za zroblenyja imi jašče ŭ 2020-2021 hadach danaty na karyść fondaŭ salidarnaści viadziecca ŭ Biełarusi ŭžo nie mienš za hod. Tych, chto niešta achviaravaŭ, vyklikajuć u KDB ci Departamient finansavych rasśledavańniaŭ, dzie staviać umovu napisać «jaŭku z pavinnaj» i pieraličyć hrošy na rachunki roznych dziaržaŭnych ustanoŭ. Prytym nie tuju sumu, jakuju achviaravali sami, a ŭ dziasiatki ci sotni razoŭ bolšuju. U advarotnym vypadku pahražajuć kryminalnaj spravaj.
Pakolki ŭ sučasnaj Biełarusi nijakaj abaronienaści zakonami niama, a siłaviki mohuć rabić usio, što zaŭhodna, to ludzi musiać pahadžacca na vystaŭlenyja im umovy i vypłačvać łukašystam hetyja pabory. Tyja, chto admaŭlajecca, sapraŭdy ryzykujuć pazbavicca voli, a niekatorym mahčymaści «adkupicca» nie dajuć i ad pačatku. Pavodle pravaabaroncaŭ, za «finansavańnie ekstremizmu» ŭžo asudžanyja nie mienš za 20 čałaviek, i heta tolki toje, što viadoma.
Ciapier čytajuć
«Ja jašče moh sumniavacca ŭ sabie. Ale kali Maša takoje zrabiła!» Nieviadomyja fakty pra Viktara Babaryku raskazała jaho advakatka Natalla Mackievič77
Kamientary