Ratavalniki pradajuć sapraŭdny rarytet — 50-hadovy pažarny Mercedes-Benz
Techniku MNS, jakaja adsłužyła svajo, raspradajuć. Ciapier na sajcie «Biełśpieckantrakta» na prodaž vystaŭlena niekalki dziasiatkaŭ jak hruzavych, tak i lehkavych aŭtamabilaŭ z aŭtaparka MNS. Jość siarod ich i redki hruzavik Mercedes-Benz 1113, 1973 hoda vypusku, zaŭvažyŭ abw.by.
Miarkujučy pa ŭsim, 50-hadovy hruzavik da apošniaha byŭ u strai i znachodziŭsia ŭ pažarnaj častcy Žytkavič. Aŭtacysternu pradajuć za 23600 rubloŭ (kala 7500 dołaraŭ). Aŭtamabil maje 50,5 tysiač km prabiehu i znos 90 pracentaŭ. Znachodzicca ŭ Homieli.
Dla Biełarusi, viadoma, ekzemplar cikavy, ale nie ŭnikalny. U MNS pracavali, a mahčyma, jašče i pracujuć i bolš staryja pažarnyja Mercedes-Benz L1113. Naprykład, u Viciebsku heta hruzavik 1966 hoda vypusku.
Hruzavik Mercedes-Benz 1113 i 1973 hoda vypusku byŭ sfatahrafavany i ŭ pažarnaj častcy horada Maładziečna. Fota apublikavaŭ partał Mlyn.by.
Jak adznačałasia, u aŭtamabili stajać aryhinalny ruchavik i pažarnaja pompa.
Aŭtamabili Mercedes-Benz L1113 vypuskalisia z 1959 da 1984 hoda. Jak jany trapili ŭ Biełaruś? U 1990-ja hady supracoŭnictva pamiž Biełaruśsiu i haradami-pabracimami ŭ Jeŭropie było vielmi ščylnym, i roznyja asacyjacyi pažarnych-vyratavalnikaŭ pieradali krainie niamała staroj, ale pracazdolnaj techniki. Niekatoryja ŭzory pracujuć i da hetaha času. Ale sioje-toje, jak vidać, užo maje znos 90 pracentaŭ i vystaŭlajecca na tarhi.
Ciapier čytajuć
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary